وين اللي قال اللي يتحدى ينزل؟؟؟ وأظنه من عرعر
 

السلام عليكم ورحمة الله وبركاته:

لفت إنتباهي موضوع لأحد الأشخاص من عرعر بعنوان (اللي يتحدى ينزل) بمعنى اللي عنده صور لأكثر من هالصيد ينزلها وماخذ الدعوى تحدي وحالته حاله ماأدري وين تفكيره مدحدربه_
وكان (منزل) على قولته صور صفار تجيلها 100 تقريبا وبنفس الوقت مصور نفسه وكم واحد معه (حلوين) بأشكال ووضعيات متخلفه عفوا قصدي مختلفه _ فمنهم من يمسك الشوزن بيد وهو داق اللطمه وكأنه قد قتل 100 اسرائيلي للتو _
ومنهم من يلبس النظارة السوداء ويتكي بكوعه على كبوت(الددسن) وراحة يده تسند دقنه وينظر للمستقبل بعييييدا عن عدسة الكاميرا _
ومنهم من يلبس النظارة السوداء ويتقلد الشوزن وكأنه (رامبو)على غفله أو من (شلة مالبورو) يعرفونها أهل عرعر.
وأصبح منتدى مكشات العريق برجاله المؤسسين ومرتاديه الأفاضل أصحاب الخبره والباع الطويل بالصيد ممن نستفيد منهم ونأخذ منهم المعلومه المفيده أصبح للأسف مكانا (للترزز) وحب الظهور وياناس شوفوني ماحدا قدي.
من وجهة نظر شخصية أرى أن الصيد مجرد (هوايه)لا أكثر ولا أقل_الأطراف فيها شخص يمتلك سلاح فتاك والطرف الآخر طير أوحيوان ضعيف لاحول له ولاقوة_فلا مجال للتفاخر هنا_ وكثرة الصيد من عدمه تعتمد على الموقع فمنطقة عرعر تأتي في مسار الطيور المهاجرة وقبل أن أسكن الرياض كنت من سكان عرعر وكنا نصيد باليوم الواحد 60 و70 صفاره وليس معنا الا بنادق هوائية _أما الرياض فالوضع هنا مختلف تماما وبالكاد نصيد 6 أو 7 وبشوازن بعد.
الخلاصه أن هواية الصيد ليست مجالا للفخر_وكثرة المشاركات بمنتدى مكشات لمجرد المشاركه بصور شخصيه وبعبارات (كفو يالذيب) و(أنا أشهد انك ذيب) و(صايد وفايد) كلها لااااتفيد وتربك المتصفح اثناء البحث عن المعلومه في الموقع.
وأعتذر عن الإطاله والسلام ختام.:good2: