منتدى استراحات زايد - ذيب الشقا غارس وسط قلبي الناب .

كفانا الله شر هالدنيا

أقول :

هدتني الدنيا ونا توني شاب
تنقش حكاياته على جال متني

ذيب الشقا غارس وسط قلبي الناب
قطّع شرايين الحياة وتركني :

أصارع الأمواج ضايق ومرتاب .
اسري مع الهاجوس محدن لحقني

حتى الفرح لا شافني سكر الباب
طفّا مصابيح الفضا لا لمحني

جيت ارمي الاحزان مع ربع واحباب
انسى معاهم كل همي وحزني

صارت مفاهيم القديمين ( الانشاب)
والمجلس الوافي جلس فيه عفني

والناس تغلي كل حاقد وكذاب
والسو صار اليوم هاتك وعطني

وبشوت عكفان الاشانيب يصحاب
راحت مع الاجواد في وسط عدني

واليوم صار الفار والنمس والداب
لباسة للبشت علمن لهدني

ذيبن عوا من حر مافيه منصاب
كله جروح وطلقتينن وطعني

من حر ما يونس من اوجاع ومصاب
ارسل قنيبه يوم وقته رخصني

من فوق ضلعن نايفن بالقهر شاب
ياليت يوم انه عوا ما سمعني

قمت ارسل الاحزان والجرح ما طاب
مبطي وهو غاير وجرحه ذبحني

يا بنت انا من عثرتي قمت ما هاب
لو ان صواديف الزمن عاثرتني

أعيش لحظاتي مع الصمت وانساب
واسكت ولا اقبل من بكلمه شمتني

يوم ان دمعاتك على الخد سكاب
من شان شوفي دمعتك صايبتني

يا بنت انا جفني من الهم قد ذاب
زودن على فرقاك : دنيا خذتني

الشاعر : أورنس الشمري