|
*_* حمدووهـ ترمسين منووو ..!! السلام عليكم ورحمة الله وبركاته .. اخباااركووو ؟؟ عساااكم بخير .. بقوولكم قصصه قبل أبدآ انآآقشش المؤضؤع وياااكم ..!! فيه بنيه كاانت ترررمس ع فؤؤن البيت سآعه ( 4) ألفير ..!! و حدر أبؤها و هــي يالسه اترمسس ربيعتهآآ ..؟! سألها أبؤؤها : حمدؤؤه منوو ترمسين ألحين !! حمدووه : ارمسس سأأرووه ..؟ أبوها : خزها بنظرات شكك و رااح من عندها عقب البنيه مسكيينه سكرت الفوون و هي تحاااول تفسر شوو نظراات ابووها لها ؟! و قصه ثآأإنيه اؤ بسلؤب ثااني و هذي انا عايشتنها ( صارت لي ) مره كنت يالسه ع اللاب في الصاله و طبعا ع المسن و المنتديااات <~ هع مااشي شغله .. عقب وصصل ابووي من الدواام يعني الساااعه 10 فاليل .. حدر و سلم ..!! ابوووي : فلاااانه شتسوين ..؟ انا : مااشي يالسه ارمس ربيعاتي ابوووي واااقف عداالي و يالس يطاالعني و انا ارمس فالمسسن >.<" اصرااااااااااحه حركه هب حلوه ابد ..!! يعني انا عندي خصووصياات و مااحب حد يدخل فيها منو ماكان .؟! و شووو معناها ها الحركه ..!؟ ×××××××× ألحيــن أبفهم شوو الشك ..؟! و هـــل هؤ نأأتج عن ( ألتفكير الاسود ) ..!! و لا عددم ثقه فالطرف الاخر ..؟! قووولو بصراحه فيه حد منكم فيووم شك فاخته , حرمته , ابووووه <~ أنــي ون متاا لاازم تشك فالشخص ..!؟ و اذا كاان شكك فغير محله تقدر ترد الشي الي انكسر بينك و بين الشخص الي خنت ثقته فيييك ..!! أتمنا تتفاعلؤؤؤن معآآي لانه صج موضؤؤع " حسسأس " |
في البداية أحب أبارك لـج إختي "يا صغر الفرح في قلبي" على اختيارج لتكونين منافستي في مسابقة أفضل محاور ... وأتمنى لج التوفيق من كل قلبي .. لأنه ما تم اختيارج إلا لأنج متميزة نعود للموضوع ... في البداية بعلق على القصتين من منظور الأب .. وبعدين راح أجاوب على أسإلتج .. اقتباس:
اقتباس:
أنا ما أتخيل أبدا إنه في بنت تكلم ربيعتها الساعة 4 الفجر؟ أولا هذا التصرف غلط .. لأنه الاتصالات لها وقت معروف، وخاصة لو كنا نستخدم تلفون البيت .. يعني بعد الساعة 11 أعتقد ما له داعي إنه البنت أو حتى الولد يتصل من رقم البيت .. إلا في حالة إنه الأمر كان ضروري .. البنت كانت تكلم ربيعتها الساعة 4 الفير .. أكيد بتكون هناك نظرات شك وريبة حول هذه المكالمة ... لذلك انا ما استغرب نظرات الأب .. لأنه أكيد هو ما يتقبل إنه بنته أو ولده يتكلم بالتلفون الساعه 4 الفير. اقتباس:
اقتباس:
كان من المفروض والواجب إنج تودرين اللابتوب .. وتروحين تسلمين على أبوج وتحبينه على رأسه ..!! هذا التصرف بحد ذاته يمحي كل شك وكل ريبة .. لأنه تصرفج ودخلة ابوج الصالة وردج عليه إنج كنتي تكلمين ربيعاتج يبين للوالد عدة أمور منها: 1. البنات اللي ترمسهم أهم مني. 2. بنتي فاضية وما عندها شغلة ويالسة تكلم بنات واتضيع وقت. 3. وأمور أخرى تختلف من أب إلى آخر. اقتباس:
اقتباس:
الشك هو: ضياع اليقين عن أمر ما، ويسببه فيه ضبابية الأمر .. والشك أنواع: 1. شك إيجابي: نقدر نقول "شك للغيرة" 2. شك سلبي: نقدر نقول "شك وارتياب" اقتباس:
لا يوجد تفكير أسود .. هذا مصطلح مبتذل. الإنسان بطبعه غيور ... والشك تراه يولد الغيره .. وأحيانا يكون سببا في متعة الحياة وأحيانا اخرى سببا في تعاسة الفرد .. والشك .. يختلف من إنسان إلى آخر .. كل حسب طبيعته وتفكيره والبيئة التي عاش بها. مثال: الزوجة لما تسأل زوجها لما يرجع عن الأماكن اللي راح لها .. وشو سوى في هالأماكن ... هي تسأل لـ: 1. يطمأن قلبها. 2. إظهار الاهتمام. 3. الغيرة من أن يكون تكلم امرأة غيرها. وهاي أمور إيجابية، تزيد من علاقة الحب وتوسع دائرة الاهتمام بينهما. مثال آخر: أن تكثر المرأة من التساؤل ... وين رايح؟ وليش؟ ومع امنوه؟ وكم بتيلس معاهم؟ وعلشان شوه؟ هاي الأسئلة .. وتشكيك المرأة كأن تقول له: متأكد إنك ما كلمت اليوم وحدة في الدوام؟ انته متأكد؟ يعني ما كلمتها منيه وإلا منيه؟ هاي مب أسئلة شك للغيرة ... هاي أسئلة لتدمير الحياة الزوجية ... ومثل ما قلتي انتي ... يمكن تكون غلطانه .. وبالتالي فقدت الثقة في الطرف الآخر .. لأنها مش واثقة في عمرها قبل لا تثق في ريلها. الشك بدافع الغيرة والخوف مطلوب وغير ذلك من الشك ... نتركه ونهجره. اقتباس:
اقتباس:
عندما يختل توازن الشخص، وتتغير تصرفاته بدون سبب... اقتباس:
في البداية أنا لا أتهم حد ولا أشكك في حد ... حتى أتبين من الأمر لأنه مجرد الشك قد يؤدي إلى فجوة كبيرة بيني وبين الشخص الآخر .. وبالتالي أكون قد خسرت قبل أن أبدا. إضافة إلى أن قول الرسول صلى الله عليم وسلم: "إن بعض الظن إثم" .. أو كما قال رسول الله صلى الله عليه وسلم. موضوع جميل وحساس .. وأكثر من رائع إختي "ياصغر الفرحة في قلبي" وأتمنى لج التوفيق وتستاهلين التقييم. :d-uae0(1): |
السلام عليكم ورحمه الله وبركااته موضووع يستحق المناقشه .. مشكوره ع هالطرح امم اولاا ع البنت الي تكلم رفيجتها الساعه اربع الفجر .. حتى لو كاانت محط للثقه هي جابت حق عمرها الشك اوكي ليش هالوقت بالذاات في اوقاات نكلم ربعنا فيها .. عن نفسي انا الحمدالله عارفه نفسي بس الي جدامي مايعرفني بيحكم ع الي جدامه لو انا كنت ف مكاانه راح اسوي نفس الشي لو كنت صادقه وكنت اكلم رفيجتي اكيد رااح يشك وفي فئه تخليك غصب تشك فييها .. خصوصا لما تجي صوبها اذا كان ع الجهااز ويسده عنك لييييش!! ؟؟؟ اووكي في ساالفه خااصه بينج وبين رفيجتج .. المرره الثاانيه نفس الشي ليييييش ... شنو هالخصووصيه الي بينج وبين هالشخص خلك واضح محد راح يشك فييك .. في قلبي كلاام واايد بس مااقدر اقووله اسمحو لي اذا طولت عليكم تحيااتي لج اختي ..(ياضغر الفرح في قلبي ) |
لـــــــــــي عوده |
السلام عليكم مووضوع يستحق النقااش ف البدايه ع سالفه البنت اللي ترمس اربيعتها الساعه 4 بصرااحه هاي اي أنسان بيشك فيها بخبرج ليش ترمس اربيعتها ف وقت غريب يعني الساعه أربع الناس تكوون رقوود وف هالووقت محد يرمس ف الفوون ع سالفتج أنتي ابووج ليش طالعج بنظراات؟ ما اعرف أحس مووقفج عاادي وما سويتي شي غلط انا بقوولج مووقف استووالي مره كنت أرمس ف الفوون الساعه 5 تقريبآ العصر وأختي سألتني منو ترمسين وقلتلها كنت أرمس اربيعتي وتمت تطالعني بنظراات وطبيتها يعني بأختصاار شرات ما قال أخوويه الأمن الوطني الشك غيره أحياانآ ممكن أنها تكون من باب الخووف علينا ونحن لازم ننظرلها من هالمنظوور ونبتعد عن وسووسه الشيطان ف النهايه يختلف الشك عند كل أنسان والله يبعد الشك عنا وعن أهلنا وعن يميع النااس |
| الساعة الآن 02:14 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir