منتدى استراحات زايد - حصلنا على السياره ، ممكن تلقى سيارتك

السلام عليكم ورحمة الله وبركاته
واسعد الله اوقاتكم بكل خير ، وشخباركم ، وشهر مبارك علينا وعليكم
تذكرون موضوعي حق سيارة اخوي هوندا الاكورد المسروقه بحي الغدير ، الحمد الله اليوم لقيناها وين بصناعية العروبـة ، واقفة لها شهر يوم شفتها وشف وجهيتها مرتفعه دريت ان المكينه مسروقه
دقينا على الشرطه جو على اساس ياخذون البصمات ، فتحنا السياره والله ياجماعه بس ركبو وسكرو البيبان وكل شوي يفتح باب ويسكر ، لا خذو بصمات ولا شى وآخرتها قالو خلاص تقدر تشيل السياره
طبعاً لقينا داخل السياره دبـة ماء ام 5 ريال ، ودرج صغير عند الدركسون مكسور
فتحنا الكبوت مالقينا المكينه زي ماقلت لكم ، الله يعوض على اخوي ، لكن يوم فتحنا الشنطه لقينا اجزاء من المكينه حاطها ورى مثل مروحه اذرعه واشياء بسيطه ماتسوى شى ، يعني بايع نص المكينه والباقي ورى.

عموماً ياشباب إلى مسروقه سيارته ولا شافها بشوارع التفحيط ولا سمع عنها ، يدور بصناعية العروبة وام الحمام ، مليانه سيارات ، اما الصناعية القديمة مافيه امل ، بس هالصناعيات الصغار ممكن يلقى بها وعليكم بصناعية العروبه خصوصاُ إلى سيارته انسرقت بشمال الرياض
والله يوفقكم ويعقل سياراتكم ولا يريكم مكروه لا بمالك ولا بأهلكم ياحي ياقيوم

شاكر ومقدر لكم اخواني على وقفاتكم وعلى دعائكم