|
استفسار بسيط عن الجراجير ( القرش ) السلام عليكم صبحكم - مساكم - الله بالخير بغيت أسأل عن الجراجير ( القرش ) , سمعت عنها كثير وقرأت عنها وشاهدت مقاطع وبرامج ،، لكن حتى الآن كل برنامج وكل تقرير وكل ماسمعته من أقوال تتضارب الصحة فيها ،، بعضهم يقول إنه يهجم وبعضهم يقول مايهجم إلا إذا كان جائع وبعضهم يقول مايهجم إلا الكبير منها وبعض أنواعها مثل القرش الأبيض ،، اللي عنده معلومات عنه الله يجزاه خير يفيدنا ،، بالنسبة لي في بعض الأحيان ندخل إلى البحر أول ماتبدأ الثبرة ، وندخل والماء يوصل لحد السرة ،، هدفنا الوصول إلى مكان الغزير ،، ونبدأ بالصيد ونكون واقفين لحد ماتثبر وتقرّح ونجلس ولا نطلع إلا إذا بدأت بالسقية ,, وارتفع الماء لحد السرة ونطلع من الشعري في بعض الأماكن في الشرقية ،، هل الجرجور ( القرش ) في هذه الحالة لو صادف الإنسان يكون له خطورة على الإنسان ؟؟ لأنه سبق لي وأن سحبنا قرش من الكورنيش طوله 50 سم ,, وفي الجبيل في التحلية سحبناه طوله 50 سم أرجو الإفادة ,, واللي يقدريدلني على كتاب أو مصدر استزيد منه عن هذا الحيوان المهيل فليمدني مشكورًا |
| الساعة الآن 11:35 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir