نظفت الاديتر وزادت الحرارة وش السبب ؟
 

بسم الله الرحمن الرحيم
السلام عليكم ورحمة الله

اخواني سيارتي شيروكي 2001 كلاسيك سعودي كانت حرارته دائما تحت النص بشرطه قلت خلني قبل الحر انظف الاديتر ورحت لفني الاديترات وفكيناه وسيخناه وفكيت البلف اللي كان 170 وبدلته ببلف 160 اي سي ديلكو وعبيته ماء تويوتا الاحمر فقط دون اضافة ماء مقطر وقبل التسييخ كان ماء اديتر اخضر مع ماء مقطر
بعد هالشكل صارت الحرارة على النص او تزيد شويه رغم اني شيكت على الاديتر مافيه نقص مويه ولا تهريب والمراوح شغاله تمام يعني ليتني ماسويت شي
الحراره قبل التسييخ كانت ترتفع لامشى الموتر بزحمه مثل طريق خريص او طلعت به للنفود لكن طالما اني ماشي في خط فتنزل للثلث
وش السبب يا اخواني ؟
فني الاديترات نصحني اركب مروحة جمس 97 اماميه وقالي تركبه قدام الاديتر ورا الشبك وبتنخفض الحرارة بس انا ما اقتنعت لانها بتسحب هواء حار تدفه على الاديتر وش رايكم ؟
جزاكم الله خيرا