منتدى استراحات زايد - من اللي يقول ما يحصل زين ورخص ؟؟

السلام عليكم ورحمة الله وبركاته ،،

أسعد الله أوقاتكم بكل خير ، تتوالى العروض والفرص ما تتكرر اما غنمتها ولا غنموها الرجال وخلوك ، المره هذي أعرض لكم بكرتين طيبات وأقيامهن مناسبة وصالحة جداً للقناي .

1. حقة صهباء امها ناقة طيبة وقد سبق عرضها في المنتدى وبيعت من أول يوم وابوها غير معروف .
والبكرة قدامكم كبر راس وزين اذن وعرنين ورقبة وتسناد والصور ما خدمتها لأن المحل اللي هي فيه والوقت ايضا أثر على شكلها وقد سيمت وهي حوارة أم شهرين بعشرة وهذا للعلم فقط ولا أقلد على السوم وحالياً ما عليها سوم والبكرة اللي بيصبر عليها بعين من وراها ان اء الله خير .

الموقع : فيضة الخفس .

http://store1.up-00.com/Jun10/cdW03223.jpg

http://store1.up-00.com/Jun10/rhl03223.jpg

http://store1.up-00.com/Jun10/Du403223.jpg
*******************************************

2. خلفة جذعة ملحاء بكر حدرها قعود ابوه ولد مسربلان الخريف اللي شرى من الصخابرة ولا صورته لانه ما يستاهل وهو قعود ان عود على ابوه خير وبركة والا القصاب في انتظاره ، والبكرة قدامكم ما شاء الله زينها ظاهر ولا فيها الا انها شوي هجرة يعني مهيب رفيعة بسبب ان امها ماتت وتوها حوارة ولا ضيرت عليها وكملت الناقص وضربتها لقية وهذا اللي خلاها ما تجي مثل امها والبكرة هدية وحليبها حلو وبالنسبة لسعرها تعتبر فرصة للي يبي الانتاج والتمنح .

الموقع : مخرج (18) مخيمات السلي .

http://store1.up-00.com/Jun10/oLP03426.jpg

http://store1.up-00.com/Jun10/vpe03426.jpg

http://store1.up-00.com/Jun10/LoY03426.jpg

افتحوا الباب الله يفتح لنا ولكم ابواب رزقه

المفاهمة الاتصال على : (0568396530) .