((هل أنا بحريني )) المقال موجه حق النواب أللي
يستلمون 4000 دينار


تتذكرون مشهد الأهالي والرجال وهم واقفين في طوابير عشان
يقدمون حق علاوة الغلاء وكم طلب رفض وكم واحد تفشل ولكن
500 مليون دولار تروح حق طيران الخليج بدون سؤال أو جواب


تتذكرون البنات اللي وقفوا ساعات تحت الشمس عشان يدخلون
مركز المعارض عشان يظفرون بوظيفة وأخرتها طلعت الوظائف
حتى الأجانب ما يرضون فيها في الوقت اللي نشوف الشركات و
البنوك وحتى بعض الوزارات توظف أجانب وبرواتب خيالية ولا
بشهادات دون المستوى والنهاية نشوف الخسارة والتخلف بدل
التطور والتقدم


تتذكرون العائلة التي نامت شهر في البلاج لأن رب العائلة ما يقدر
يوفر قيمة أيجار ومحد سوى له شي يذكر في الوقت اللي نرى بان
الأراضي تهدي هبات لعلية القوم عشان يسون عليها الجزر والمنتجعات
السياحية وأول ناس يمنعون المواطنين من الدخول بحجة العضوية
وقيمة العضوية تعادل راتب شهرين للموظف المقتدر ما بالكم بالموظف العادي


تتذكرون يوم وزير الأسكان أعلن بأنهم بيقطعون 100 دينار علاوة السكن
لأن الميزانية ما تساعد في الوقت اللي نشوف مطار ينبني بـ 11 مليون
وحلبة الفورمولا تنبني بـ 40 مليون وحفلة ليلة وحدة وساعتين ينصرف عليها
4 ملايين وطائرات حربية جديدة تساوي 60 مليون

تتذكرون خروج الشعب بالكامل للتصويت على الميثاق على أمل الحصول
على حياة كريمة ورفاهية في الوقت الذي لازال نشوف ناس تسكن الصنادق
وشوارع لا تصلح للمرور عليها وازدحامات لا منتهية وجو ملوث ونص الشعب
في بيوت مأجورة ومعدل الرواتب قل عن سنة 1980


نعم في البحرين تنصرف الملايين المليونة على أشياء لم نرى منها غير الخسارة
والتخلف والمسخرة

ولكن المواطن إلى اليوم ينتظر أسمه في علاوة الغلاء أو السكن وكم ألف حرم منها
لأسباب أتفه من العلاوة نفسها


تخيلوا لو نحسب مثلا عدد سكان البحرين 600=الف شخص

والصرف على الفورمولا والمطار والأوبريت 56= مليون دولار

وقيمة التجهيز العسكري والطائرات 60 = مليون دولا ر

وطيران الخليج لليوم سحبت منا أحنه الشعب 500= مليون دولار



وبالدينار البحريني 616 مليون دولار 232,211,462.80 = دينار بحريني

خل نقسم 232,211,462.80 على 60 ألف أسرة المستفيدين من
علاوة الغلاء = كل أسرة لازم تحصل 3380دينار بحريني كاش

ولكن لنا الله نحن الشعب الطيب الصبور