|
( البدو - البلوش- العيم - اليمينين ) ... لمتى بنظل على هالحالة اخواني واخواتي الكرام هذا موضوع ابآآ رايكم فيه بصراحة "وراح يكون هناك احسن رد"... كوني ( امــاراتـي ) اتكلـم عن مجتمع الأمارات الغريب والعجيب بخصوص أمور ( الأصل ) !!! الحين إذا سألك واحد شو أصلك ؟؟؟ تقوله إماراتي .. يقول لا لا أصلك يقصد يا ( بدوي أو بلوشي أو عيمي أو يمني ) !! يعني تقريبا هالأربع ( جنسيات ) أكثريتهم صاروا ؟؟ مواطنين أماراتيين .. بعد ما صاروا هالفئات كلهم ( إماراتيين ) بس لين الحين تشوف ( العنصريه ) بينهم .. ولين الحين تشوف الحقد ما بينهم .. يعني لو تقدم حق الزواج ( إماراتي من أصل بلوشي حق إماراتيه من أصل بدوي) ؟؟؟ أهلها ما يوافقون عشان أصله بلوشي !!! ( والعكس صحيح ) .. . وتشوف العرب البدو حاقدين على ( العيم والبلوش ) ويعتبرونهم أقل منهم وما يكون في ( ألفه بينهم ) .. وتشوف ( البيض ما يحبون الخوال ) ويستصغرونهم ؟؟ ( مجتمع غريب ) !! وتشوف ( المواطنين البلوش ) يحطون دوم على ( المواطنين اليمنين ) أنتوا يمنيين وأنتوا ...؟؟؟ يعني ما تشوفون موده بين ( أهل الأمارات ) خاصه بين البلوش والعيم والبدو يعني الكل نفسه نفسه ويشوفون الطرف الأخر أقل منهم !!! ( ليش ) ؟؟؟ ما تعرف ؟؟؟ في الأخير ترى كلكم إماراتيين وماشيء فرق خلاص أن هذا بلوشي وهذا عيمي وهذا يمني لين متى بيتم هذا التفكير القديم عندنا في المجتمع .. متى بتكبرون عقولكم وتشلون عنكم هذا التفكير ( العنصري ) !!! ترى البدو والبلوش والعيم الكل مكمل الثاني في مجتمع الأمارات والكل له دور في بروز دوله الأمارات .. وكلنا مسلمين وربنا يوم خلقنا مافرق بيننا الا بالايمان والتقوى والعمل الصالح..وكلنا مخلوقين من طين.. بس للأسف ( مجتمعنا ) غريب وعجيب والكل عايش على نظرية ( العنصريه ) !!! (غريب أمركم يا ( أهل الأمارات ) !!! يعني برايكم..شو الحل فهذا الموضوع,,وشو رايكم باللي صاير...؟؟ آآخـوكـم ~ْ صاحبـ الذوق ~ْ |
أول شئ (البدو) << هــذا الشئ يعتبر عند بعض الناس مسبه ع أساس انهم غجر او موب أتكيت وه السوالف بنسبه لي من حد يطري البدو أو يحط يده ع راسه لأنهم صدق معني وكرم وشيمه وحشيمه بعدي ثاني شئ يـــــــــــاكثرهم الي أصلهم موب أيمــاراتي ولااااهو قبيلي بس انخرطوو بمجتمعــاتنا ولاا أزيد من اشعر بيت صارو يشوفون عمــارهم بعد يعني حتــا يخذون اسم قبلتك وشوفون نفسهم عليك يعني شئ قمه القهر يسوي مصيبه ولا بلاوى تلحق قبيلتك ولا بغى يطلع عمره غير اسم قبيلته وتنتهي السالفه ليه به البساطه صارت سالفه أن اشخــاص مايسون وعلومهم كلهــا بطاليه أن شخص له نفوذ < ماقلت اسم حد عطاهم جواز ظبياني وحط اسم القبيله عليه ليت ع القبيله بس كان بيضيعون بطوشه !! عطاهم اسم العائله الأخير بعد يعني اسالفه تضيع اصول العرب وأنسابهم بعد وأنساب العرب مسجله بكتب ولهــا هيبتهــا ومأرخه من قبل كتاب يعني موب من هب ودب خذا الجنسيه قال ابا استوي قبيلي ؟؟! ناس أستغفر الله يعني واحد ياي من الشارع لا له اصل ولا حسب ولانسب ويصير شيخ قومه؟؟؟؟؟ هذا هو العجيب يخر بيت الي يكتب نــاس ماتسوى ويحطه من قبيله موب قبيلته << أنقهرت :522: وفيه نـــاس مادخلو الدوله ألي من 15 سنــه وصار خير الدوله لهم قبل ليكون لنــا كل شئ موفر لهم الفلل + الوضيفه+ السيارت الي ماتعد ولا تحصى وشركــات ألخ ... << هذا رزقهم منبا نقول فيه شئ بس المواطنين الاصل لهم الحق أكثرمنهم ..... بنسبه لي ماشوف اي فرق العيمي والبلوشي والقبيلي كلهم نفس الشئ اما لزواج كلن حر ان عطا بنته قبيلي وان عطاها عيمي ماحد به الزمن يدخل بحد أذا البنت لهــا عيال عم ويبونهــا وتباهم وين يبا العيمي ولا بلوشي ولا اليمني ؟؟ ولد عمهــا أحق فيهــا من تقول لحد منهم ماعندنا بنات للعرس يقول هــيه اعرف عسب اني بلوشي او عيمي ولا ولا ألخ ... شدخل هذا نصيب ماحد ياخذ غير نصيبه ويتحسسون من ه النـــاحيه والحل العيمي يتزوج عيميه والبلوشئ يتزوج بلوشيه واليمني يتزوج يمنيه كذالك وكل يكفي خيره وشره أصلا احسن عسب هو مايعايرهــا وهي ماتعــايره بأصله .... وموضوع البيض والخــــوال أعتقد حل الموضوع أوبــاما كــان من خوال أفريقيــا والحين يحكم اكبر دوله في العالم ودوله كانت كلهــا عنصريه وكلهــا بيض يعني انحلت القضيه محبة البض لأوبرا وأوبامــا بينت ان النزاع بين السود والبض اختفى ههههههههههههههه يسلمو ع الطرح .... وسموحه ع الأطــاله |
بصراحه هذا ف كل مجتمع يستوي هب بس ف مجتمع الأمارات وكل واحد يحب يفتخر بأصله وجبيلته ولازم يعايرونك ف جبيلتك بعد لو عساها تكون أحسن جبيله ف العالم وف النهايه بس بغيت أقول شي واحد كلكم من آدم وآدم من تراب ولا فرق بين عربي ولا أعجمي الا بالتقووى تسلم أخويه ع هيك مووضووع:7bteeen: |
لا تعليق لانه في رد من الردود ماكان في محله واحسه تافهه ..يوم بينحذف بفكر اني ارد واناقش في الموضوع ...## مشكوور اخوووويه ع الموضوع لاعدمنااك يالشيخ ...@@ تقبل مروري الاقل من متواضع اختك مس همس :ast7eee: |
بصراحة موضوع مهم وكنت أفكر فيه .. هذي النظرة موجودة هني وبكثرة .. وكل واحد يحسب عمره الأحسن .. كلكم لآدم وآدم من تراب .. تعرفوا .. أنا كنت سايرة دولة حتى لفظ الوافدين ما يقولونها .. وينسبون كل صاحب بلد لبلده .. أما هني فهذولا وافدين وهذولا زلمات وهذيلا وهذيلا.. الله يرحم الحال |
صاحب الذوق موضوعك اخوي حلو وهادف والاصول المختلفة موجودة في كل مكان وفي كل بلد لانه كل بلد عبارة عن خليط من القبائل اللي اصولها تختلف عن بعض وبخصوص الناس اللي عندهم فلوووس وشركات <<< عن الحسد الزايد هذيله اكيد اشتغلوا سنين واجتهدوا لين ما حصلوا نتيجة تعبهم كل انسان يحب اصله ويفتخر فيه وصحيح انه في ناس يكرهون اصولهم ويتبروون منها ....لكن معناته انه الكل جبه اما الناس اللي يآخذون قبائل ناس أخرى هذي سياسة البلد مالتكم ... وكل بلد وله سياسته تحياتي : بنت النوري |
بسم الله الرحمن الرحيم السلام عليكم ورحمة الله وبركاته .. مشكور اخوي يعطيك العافية عالطرح " الجرئ " انا بالنسبة لي اشوف.. إنوا الواحد ليش يتفشل من اصله سواء كان " بدوي/عيمي/يمني/بلوشي" هذا اصلكـ رضيت ولا مارضيت وترى اللي ينكر اصله ماله اصل أما بالنسبة للزواج.. بصراحة.. كل شي يختلف بينهم العادات ـ التقاليد كل شي واحس انوا تصير حساسية لو ةاحد تزوج وحدة اعلى منه في النسب يعني على اقل كلمة تقولها يحس فيها اهانة له . كل واحد ياخذ من جماعته ماله داعي يحرج نفسه .. يعني هذا تفكير من زمن اجدادنا الحين جايين بتغيرونة بسهولة وبكل بساطة ,, ولازم الواحد يعرف قيمة وقدر نفسه ويفرض احترامه عالجميع لأن النسب عمرة مارفع شخص ولا نزل شخص اما انوا الواحد يحتقر غيرة لأنهم اقل منه في النسب فهذا من " الجاهليه " وفي النهاية كلنا مسلمين والنسب ماراح يدخلنا الجنة ,, .." عم الرسول ابو طالب ذو النسب العالي في النار , وبلال بن رباح الذي كان عبد في الجنة ".. آسفة على الاطالة تقبل طلتي .. |
السلام عليكم ورحمه الله طرح هذا الموضوع يباله نقشات وايد هذا شئ متعارف عليه يعني فيه غني وفيه فقير نقدر نقول هذا ليه غني وهذا ليه فقير يعني ماحد يختار نسبه بيده وهذا شئ قبلنا بسنين مانقدر نحنــا نجي ونغير الحال بس الكل له اصل ويفتخر فيه أذا هو مفتخر بأصله ليه يهتمون لكلام الناس !! ملاحظه فيه ردود لأعـــضاء يهمشون من الرد الي قبلهم وهذا غير أخلاقي ألي عندهـ رد يكتبه ويطلع مش يقول أنا ما أكتب ولا أناقش غير الين يحذف الموضوع الي قبلي << هذا بحد ذاته كلام غير منطقي عنك رد اكتبه وخلاص مالك دخل بلي كتبوه الناس وعن نفسي شفت كل الردود منطقيه وتحت المعقول ماحد تعدى علي حد بس فيه ناس مادري كيف شكلهــا ماتعرف تناقش وتحط لوم على غيرهــا !! فل تقل خيرا أو تصمت به الطريقه انتم تقتلون روح النقاش والحوار في مثل ه المواضيع أذا الكلام يقتصر على يسلموو ونتريا الزود صار المنتدى ماله طعم لازم روح الحوار ورحابه الصدر لكل مناقش وتقبل الردود .... وشكراً |
صراحة هالسالفة واايد منتشرة .. انته بلوشي و انتي ما ادري شوو .. و من السوالف و انا احس ماله داعي كلنا بشر و كلنا من طين و ما ننسى اهم شي و اللي هو إنا نحن " مسلمين " و الرسول قال : (( لا فرق بين عربي أو أعجمي إلا بالتقوى ..)) و الله يصلح أحوالنا .. صراحة موضوع يستاهل النقاش .. و مشكورة اختي ع الموضوع و الله يعطيج العافية ..^^ |
عيميـــــــــــــــــة وأفتخــــــــــــــــر |
السلام عليكم ورحمة الله وبركاته منو قال أنه البدو ماياخذون عيم ..!! فيه بارك الله فيكم ..~ وبعدين يوم القيامة أنا مابشوف اعيال جبيلتي صافين وياي.. بشوف اللي تفاضلت وياه بالتقوى واقف ٍ اجبالي ..!! يعني يوم أعيب الناس واحتقرهم هذا ابروحه يخل من تقواي .. ~ اللهم ثبتنا على العقل والدين. تسلم. |
Maan8oool :) |
السلام عليكم ورحمة الله وبركاته مشـكور اخوي ع الطرح كشـوخي اولا كـلنـا شـعـب واحد .."< لا تتفـلسـف اختصـر .هـع الحين الحمد لله محد يشوف عمره اكبر عن ثاني او احسن عن الثاني الا فـئـه ..واللي هم من ابوظـبي او العين .ههههه وسالفـت الزواج ... هـاك اول الحين عندك شـهـاده او فلوس..خلاص امورك في سليم :8: تقبـل مروري ..والسـموحـه |
يعني تقريبا هالأربع ( جنسيات ) أكثريتهم صاروا ؟؟ مواطنين أماراتيين لي تعليق بس : هذي قبايل وعشاير مش جنسيات يطولي بعمرك ,,, العنصريه مب بس في هذاك وطينته ,, العنصريه لا شاف فلان رقم السياره الفلاني من منطقه ثانيه ( سبه ) ولا استهان فيه بأي طريقه , ولو صادف وصارت مشكله بتشوف القوم مشتلين على الضيف مب كأنه ولد الدار ولا حتى ضيف لو منو كان ,, تعلمنا وربينا على اكرام الضيف ,, وربينا على احترام الصغير قبل الكبير ,, محد اختار امه وابوه ,, والادمي لي ينقد العرب وغير العرب ,, اشوفه انسان نرجسي متكابر على خلق الله وواجب نعلمه كيف يتعامل مع الناس ,, لو كل منا وقف في ويه الخطأ وتكلم ,, كان صرنا احسن من ما كان ,,, ويا مرحباني |
ـآأآنـآأ.. عيميـــــه وكلـــي فخــر.... ...ألصــرآأحــه...بتكلمــ عـنهـآأ من ناحية العيمـــ....اللي هم أهلـي ..وكل عايلة من العيمــ تختلف عاداتهم عن العايله الثأنيه.. يعنــي أهلي مـآأيرضون إن بنت من بنـآاتنا تاخذ واحد يمني أو بلوشي أو غير عن جنسيتنا...حتى لو كان عيمي...لـآأزم يكون واحد من جنسك... لـآأن كذا تجربه مرت إن وحده خذت اماراتي من اصل يمني...وتطلقت والسبه شو ان يالس يعايرها إنتي وانتي..>>خلونا من هذا ... أآأنـآأ فالكليـــه لو تكلمــوا عن العيم واليمن أشوف يطيح تكفيخ والسبه جي..يعني عيال بوظبي في عيمي وبلوشي وغير من الجنسيات وكل واحد يفتخر بأصله....بس وين لو بنعلمــ من اليومــ لبـآأجر بنشوف إن الآأجداد والآباء هم اللي محد يقدر يطلع هالعنصريه من مخهمـــ.... وكل واحد يورث هالشئ من اهله مثل مايورث المذهب... وانا عن نفسي خآأطريي من الخاطر ان مايكون في بلـآأدي هالعنصرية...لـآأكني وبصراحه كرهت اليمنيه والسبه حقدهم على العيم...والحمدلله نص العيم ..في دبي وتطورت والحمدلله... والسموحه وموضووووع روووعه.. |
السلام عليكم ورحمة الله وبركاته اولاً : تسلم اخوووي ع طرح الموضوع الصراحه ف وقتنا الحالي هالعنصريه منتشره عندنا في كل مكان ف المدارس والجامعات وحتى احيانا في المسجات ..والخ كل واحد يعلق على الثاني انزين ليش !!! انا مادري كل(ن) له اصله لو مهما سوى مايقدر يغيره على اي حد يضحك او يعايب عليه ومحد يقدر يختاره بعد هالشي من عند الله تعالى .. والله خلقنا لنعبته ماخلقتنا بالاصل والاشكال واعتقد يوم القيامه بنكون سواسيه والكل لازم تفتخر باصله وهالشي مب عيب ولابحرام .. ومحد يبيع اصله عسب ناس ماعندهم خلفيه عن هالمواضيع اما بخصوص الزواج في بعض القبايل متمسكه بعاداتهم القديمه >< وف الاخير كلنا شعب واحد مافي فرق من بين حد كلنا اخوان وحبايب واهل وعايشين ف مكان واحد الله يهدي الجميع ان شاء الله يعطيك العافيـه ع طرح الموضوع المهم واتمنى صوتك يوصل للكل وتوضح عندهم الصوره |
تسلم خيو ع الطرح صح الموضوع يتكلم عن اهل الامارات بس كلنا اسلام وما في فرق بين اماراتي ولا غير اماراتي او حتى بقبائل الامارات انا لاحظت كتير هل شي انو في عنصريه وحتى ع الوافدين العنصريه وانا كنت فكر بس العنصريه على الوافدين طلعت العنصريه حتى على اهل الامارات وبين القبائل انا هاد الي بشوفو واتمنى انو هل عنصريه تنمحي لانو الصراحه الامارات حلوه والكل يحبها وكل الناس فيها خير وبكرا وقال الرسول صلى الله عليه وسلم : لا فرق بين عربي واعجمي الآ بالتقوى . وانا من ناحيتي ما احب اميز بين الابيض والاسود او حتى بين الناس ككل . واسفه ع الاطاله فمان الله |
السلام عليكم ورحمة الله وبركاته يســلموؤؤؤ ع الطرح... صح موؤؤجوؤد بشــكل كبيــر ف مجتمعناا الاإماآآراتي... و نتمنئ ان ننهي هالشئ اللي ما يفرق بين الناآآس ... بالنهاآآيـــهـ كلناآآ عياآل آدم... الله لا يفــرق بين مسلم و مسلم ياااآآرب إلا بالتقوى و العمل الصاآلح.. |
آحس هـالعنصريه كل يوم عن يوم تزيد زين ليش جي ؟! ترى فالـآخير كلنا وآحد وكلنـآ محاسبين عند رب العــآالمين شكلهـآا العرب بدت اترد لـآيــآام الجــآاهليه / ترى والله مــآا بتفرق اذا كنت بدوي ولا بلوشي ولا عيمي ولا يمني زيين آفتخر بــآصلك مــآتنكره مــآ قلنا شي ترى من ليس له ماضي ليس له حاضر بس هب لـآزم تغلط ع الـآخرين و تظهر العيب فآصله من هالعنصريـه حتى بعضهم صــآاروا يخجلون بــآانهم يقولون نحن بلوش ولا نحن عيم !! الله يهدينــآا يميع ثــ’انكس خيوـو ربي يعطيك العــآافيه |
بسم الله الرحمن الرحيم السلام عليكم ورحمة الله وبركاته موضوع جدآ روعه .. الله يهدينا ويثبتنا جميعآ .. بصراحه العنصريه في كل مكان وخصوصآ عندنا بالسعوديه ماتتوقعون قد ايشش ... مثلآ المنطقه الشرقيه تفريق بين الشيعة والسنه .. والمنطقة الوسطى التفريق بين القبآيل والمنطقه الغربيه التفريق بين الآسود والآبيض .. حزبياااااااااات مالها داعي وكلنا مسلمين وقبلتنا الكعبه .. الله يهدي الجميع .. وشكرآ على الطرح .. |
السلام عليكم ورحمة الله وبركاته شحالكم خواني خواتي كلن بحاله مشكور اخوي على الطرح الجريئ:141: بصراحة هالشي منتشر مب ف بلادنا بس في كل مكان...... وان بتكلم بصراحه بس ارجو محد يزعل:1568: ؛ في فئة من البلوش والعيم واليمنين شايفين عمارهم ما ادري على شو!!!! والعرب(( الاصل)) اللي هم من أصل الامارات واللي عاشوا وتعايشوا مع الحلوه والمره، ماشافوا عمارهم على غيرهم ومن حقهم يعتزون بأصلهم ويتفاخرون به :::::::::::::::::::::::::::::::::والسموحه::::::::: :::::::::::::::::::::::::::::::::::::::::: |
مرحبااااااااااااااااااااا خيو وووووووو والله ما جذبت |
| الساعة الآن 04:49 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir