ساعات احس ان الزمن قاسي يا اسيا
 

بسم الله الرحمن الرحيم


ساعااااااااات احس ان الزمن قاسي ولايمكن يلين


نعم بالجوله الاولى لدوري الابطال الاسيوي كانت خيبه كبيره

لفرقنا الاربعه وتستمر الازمات من الموسم الماضي بنتائج المخيبه للامال

لكن عوده الابيض بفوز من طشقند من فريق عنيد

عاد لنا بعض الهيبه للابيض

وان شاء الله باذن الله ستعود معها انديتنا الاربعه بوجه جديد يثبت انه الكره الامراتيه موجوده

وبقوه ع مستوى الكره الاسيويه

نبدا بالجزيره هذا الفريق المميز بقياده الوحش براجا سيتوجه لايران لمقابله فريق العاصمه

طهران اللي هوه الاستقلال ان شا الله يفعلها ويحرج الفريق بداره

وبملعب ازادي وان شا الله مايتاثر بغياباته

ونعود من ايران بطائره خاصه لدبي وهناك يتقابل الفرسان الحمر اللي محد يعرف شسالفتهم

وسالفه هالهبوط المخوف للفريق مع انه المادة موجوده وكل شي متوفر

بس الاداره فاشله بغيااب العملاق باري هل سيفعلها الفرسان امام

السد القطري بنجومه وياي من خساره قاسيه
من الهلال ع ارضه

الله يكتب اللي فيه الخير احس الفريق متمسك بالاسيويه لانه مافي امل بالدوري


ونرجع للزعيم العيناوي وبغياب ايمرسون يتوجه لايران

ماعرف شسالفه بس قهر لو انغلب هناك العين والجزيره مثل ماانهزم الوحده والاهلي

يعتبر سبهان افضل الفرق الايرانيه بجانب ذوب اهان اصفهان

وهم المتصدرين لبطولتهم هناك شفنا اداء مميز لفريق سبهان

ضد الشباب السعودي يالله يالعيناويه احساسي يقول انكم

بتكونون عائق كبير لسبهان الله يوفق الفرق يارب


ونعود طبعا لعاصمتنا الحبيبه


وتحديدا لنادي الوحده

وهناك ستكون واحده من اصعب المباريات ع العنابي

ان شا الله يفوز وينعش الامال بالتاهل وخطف احدى المقعدين

بونيدكور الاوزبكي هالنادي اللي طلع مادري من وين توه متاسس 2005 وجلع باختاكور

من عرشه في اوزبكستان بعد ماكان مسيطر بسنوات

بقيادة سكولاري وريفالدو ودنيلسون

الفريق باحسن حالاته وسلخ الاتي بثلاثه

بس قدها الواير لس وسمعه وبيانو والشحي والبقيه

مع دفاعنا اللي لازم يكون مركز لسرعتهم

باختصار

نريد من فرقنا استعاده الهيبه

واحياء الامال للتاهل تونا باديين

شدوو حيلكم ياجماهير الامارات بوقوف

مع العنابي والاهلي بمباراتهم

كلنا قلب واحد باسيا

ان شاء الله فرقنا تظهر بـ المستوى الطيب ..



..

تسلم عالمرور