|
طير قيمته 300 الف ريال سعودي السلام عليكم ورحمة الله وبركاته صقر قيمته ثلاث مية الف ريال سعودي يــــــــــــــــا بـــــــــــلال يابلال طاح الحظ يابلال يابلال ياشين حظي دام مافيه مقدور ميتين برا قيمته كاش بريال يالاعب البالوت غالي كما الدور طرح الحماد وبيع من دون تجوال من يوم ماضفه تلقوه بالدور اشقري يشادي لون منثور شلال شعر العنود اللي لها الشعر منثور افجح قصير كراع وعظامه جلال وعينه تشابه عينها وتلعب الدور ذيك العيون اللي لها رمش قتال من عقبها كني مدنبش ومسحور ولاهيب زانتلي وهذا هو الحال مريض ومحزن وضايق ومقهور من يوم ماشفته تلاحقني اخبال معثور ياحظي وانا صرت معثور لاهوب لا بيتي ولا جير يابلال طرح الشبك ماهو مملد ومصقور ان ماشريته ثم صقرته يارجال لابد تاخذني لشيخ" ودكتور وسلامتكم |
| الساعة الآن 03:25 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir