|
رساله مهمة مهمة وصلة لأخيكم (( عـــرادي )) ؟؟؟؟ بسم الله الرحمن الرحيم السلام عليكم ورحمة الله وبركاته .... وبعد أنا عرضت طيري ( نوماس ) في خيمة بيع وشراء الصقور على الرابط :- واليوم جتني رسالة من أخي الأكبر / ناقي منصور العريمه ( أبو بـدر ) وتتضمن الأتي :- http://vb.ma7room.com/images/frames/7_cur.gif http://vb.ma7room.com/images/frames/7_cul.gif نـوماس طيرك لكن القلب مغليه فعله عجيب ويستحق اسم نوماس خسران من باعه وربحان شاريه أقولها يالقرم من قلب وإحساس وبيعه أنا طالبك لا عـاد تطريه بحبه على خشمك وحبه على الراس في ذمتي فعله فـلاني بناسيه معجبني علمه فرخ والفعل قرناس الخرب جابه يوم الأنظار تخفيه لحقه وحول به عقب لحظة الياس من بعد طير و فارق البعد يطويه يطوي المسافه طيها طي قرطاس وافي ولا به طير عندي يحاليه ربي عطاه الزين يا بدر بقياس كـل الصفات الطيبه شفتها فـيه ولونه حمار الشمس في وقت الادماس نـادر حـرار ويشبه لفعل راعيه بدر بطيبه نـادر اليوم بالناس ويا ابو فهد لـو كل ليله تعشيه حاشي وأقول الماء يقدم له بكاس يستاهـل التقدير واللي بتعطيه كم مرةٍ ونسك وكم خرب له داس وكم واحدٍ هاقي وضاعت هقاويه يبي مثل نوماس ما فيه نوماس يابو فهد مرفوض لو قلت مهديه خـذ الحقيقة وأمنع البيع للناس http://vb.ma7room.com/images/frames/7_cdr.gif http://vb.ma7room.com/images/frames/7_cdl.gif وبعد هذي القصيدة ما أقول إلا صح الله لسانك يا (( أبـو بــــدر )) وهذا الطير المبروك اللي خلانا نستمتع منك بها القصيدة وبخصوص الطير (( نـومـاس )) غالي والطلب رخيص (((((((( لا لـلـبـيـــع )))))))) وتقبلوا خالص تحياتي ،،،، أخوكم / بدر العرادي |
| الساعة الآن 08:15 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir