|
-: شو مستوي ف هالدنيا :- السلام عليكم و رحمه الله و بركاته اخواني و خواتي أعضاء منتدى محروم حبيت أطرح هالموضوع لاني أبا أناقشكم فيه و أشوف آراءكم ,, : , . تبدا القصة يوم كنت أتابع المسلسل الساعه 11 فليل ف في فترة الإعلان قمت أجلب القنوات .. و فجأة طلعت لي قناة " حــــواس " و شفت بنت و وياها واحد ف الاستديو من الفضول يلست أطالعهم .., و هاذي أول مرة أشوف فيها البرنامج و ياليتني ما شفته بصراحه -: مصخـــــرة :- المذيعه ماخذه راحتها وايد تسولف و تضحك ويا المغني اللي وياها و المسكين يتحرا صوته حلو مادري منو قاص عليه و الأدهى و الأمّر الناس اللي ع الجات كلام وصخ و مغازل أشكره و كلام ماله معنى و سوالف بايخه صدقوني أنا ما انتقدت هالشي لمجرد الانتقاد بس المشهد اللي شفته ما خاز عن بالي يعني شو تبون الناس يقولون عن عيال زايد انه ما عندنا مذهب و بنات الامارات جذيه مع اني أشك انه هالبنت مواطنه من القهر بندت التلفزيون للأسف نحن مب قادرين نسوي شي أنا مقهوره ..! لها الدرجه مضيعين المذهب لا حشمه ولا حيا و المصخرة هاذي محد قادر يوقفها ! سامحوني شكلي اشتطيت لكن من الحرّة اللي في قلبي : , . شاركوني بآراءكم و السموحه منكم .. -: موديه :- |
وعليج السلام ورحمة الله وبركاته صدقج ياختي الكريمة وللأسف ان قناة حواس لمواطنة الإماراتية ، المفروض يوجه لها هذا الموضوع انا احيانا اجلب فالمحطات واتابع حواس الصراحة الفيديو كليبات المفروض ماتنعرض .... يبون يعودون المشاهد على هذه الأمور ، وبالنسبة للفتيات ، اختي هذا بسبب الإختلاط المكثف ... ويرجع كذلك ان البنت ماعندها مذهب ولا مبادي ع سبة تردعها عن ها الأمور.. وبعدين هذا الفن والغنة يسوون جذه فالبنت والريال .. والله يستر علينا وعلى الآخريين اخوكم / النعيمي |
تسلمين أختي على الموضوع الحلوه والله الموضوع وايد يقهر بس ما تقدرين تسوين شي الله يحاسب الناس .. ما علينا منهم .. مشكله كل واحد يخاف من نظرات الناس وإنتقاداتهم ويحاول يرضيهم حتى بالغلط ونسواا اللي أكبر منهم رب العالمين .. الله يهديهم وستر عليهم .. |
اقتباس:
آمين و يستر ع الجميع انشاالله أسعدني تواجدك أخي الكريم |
اقتباس:
اللهـ يسلمج للأسف انهم نسوا رب العالمين الله يهدي الجميع تسلمين عالمرور |
| الساعة الآن 02:21 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir