احنه ويا هالشتاء ... بند وشغل وشغل وبند وغيرها
 

بقول لكم يومياتنا مع هالفصل واعتقد الاغلب مر بها

تذكرون ايام المدارس ..ايام الشتاء بين مؤيد لتشغيل المراوح والمكيف ومعارض له .. هالمنوال مستمر الى الحين .. حتى في البيت الواحد .. يا مشغل ويا مبند .. ويا بردان ويا حران .. والله يساعد المتزوجين اذا كان الزوج يشعر بالبرد وزوجته غير .. رغم ان هناك حلول ولكن يبقى المنوال على مو هو عليه كل ساعه ليهم راي

هالشتاء حرمنا من المكيف الذى له فائدة غير التبريد والا وهو تغطيه اصوات الناس .. الحين بدون المكيف صار الجار يسمع جاره .. ولا خاصه اللى متزوجين العايشين في بيت واحد .. اسرار البيت الكل يسمعها .. واذا عاد الاطفال اذا صارخو .. او اذا طلع ليك جار يطقطق ما حصل الاهالوقت يكمل اشغاله .. او اذا سنانير ما حصلوا يكملون هوشاتهم الا في نص الليل ويحرمونا من نوم الليل

اغلبنا متعود على صوت المكيف اللى يجيب النومه .. ولكن الحين وفي هالجو ما عاد في هالصوت .. وخاصه ايام الاولى من مقاطعته ..تحس ان شى ناقصنك .. تود في صوت له وزن واحد وتردد واحد وصوت منخفض حتى يجلب لك النعاس

هالشتاء حليو بالمطر . بس من شفنا المتضررين منه خرب فرحتنا