كبسة لحم حاشي على كيف كيفك السلام عليكم ورحمة الله وبركاته قبل العيد بـ 3 أيام .. طلعنا أنا وبعض الزملاء حول روضة الخفس وكانت رحلة ممتعه وشيقة حقيقة وهالموضوع هو بداية مواضيعي المصورة بهالقسم أتمنى إنه يحوز على إستحسانكم .. ويرتقي لمستوى ذوقكم بداية هذي صورة خيمتنا :p ويظهر صورة أبوعبدالله متكّي :D وبعد ماصلينا العشاء .. جلس بعضنا يلعب بلوت .. وبعضنا يسولف وأنا قمت أجهز العشاء وكان عبارة عن لحيمة حاشي من النوع اللي وصى عليها الحكيم :good2: وبعد ماخلصت من تجهيز اللحم .. بديت بتقطيع البصل والطماط والثوم والبهارات والملح والماجي .. يقولون حنا جاهزين ياأفندم :D ثم جهزت القدر الكاتم .. وبديت بالكشنه وبدا الكاتم يدّهر :p وبعد 25 دقيقة كبيت الرز .. وقبلها ملحت اللحمة وحطيت الماجي وعلوب الفلفل :good2: وبالأخير .. صفّر الحكم :D وطلعنا بهالنتيجة :good: وكنت أبي أصوّر من جهه ثانية .. وإكتشفت خلال التصوير يد متسللة للصحن :p أتمنى إن شاء الله أن تكون مصافحة مشجعة لي للمزيد من المشاركات :) أنتظر آرائكم ،، |
الساعة الآن 09:58 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir