الخرب يعجز ثلاث طيور ......صقار الأسياح
 

السلام عليكم ورحمة الله وبركاته اخبار مقناصي سأنقلها لكم بإختصار الكراوين واجد هدينا واستانسنا اما الحباري الجره واجد والقنوص واجد اما السالفه لقينا جرة خرب الساعه 11.30 صباحا وقصيناه وحصلناه الساعه 12 الظهر والجو حار جدا والشمس حارقه وهديت عليه طيري وساق معه شوي وبعدين حام والخرب وقع بالأرضىوهدينا حر ثاني ونفس الحركه حام الجو به حوم لا كن حنا عجلين القوانيص واجد ولا تامنهم وقفنا وتغدينا ورحنا لو جهته وهدينا عليه الطير الثاني مره ثانيه ولا اطلبه ولحقناه وهد عليه طير واحد من العيال طير لاكن ماهو جاهز لياقياً وساق معه وكان صااامل يبيه وبعد شوي حل وواردفت وتشابكن الطيور والخرب راح قالو العيال بنرميه بالبندق ورفظت انا قلت يجيه راعي شيهانة مجنونه تنزله تنزيل تدوس خشمه وش رايكم وش السبب هل انا هدينا والجو حار ام ان الطيور فيها شي افيدوني