السلام وعليكم ورحمة الله وبركاته ...

اخواني الكرام مساكم الله بالخير جميعا **

انا حبيت اطرح مشكلتي مع شركة اكسيوم تليكوم الرياض وهو ياخوان اني اشتريت جهاز الارينا km900

استخدمت الجهاز تقريبا شهر ونص وبعدها جتني مشاكل واجتمعت سوا وهي تعليق في الجهاز وعطل في السبيكر

الخارجي ومشكلة اني اذا جيت اتصل مايمسك الاتصال المهم ياخوان دخلت الجهاز في رمضان بتاريخ 31/8/2009

المهم ياخوان تخيلو قعد الجهاز عندهم الى تاريخ 7/10/2009 ولا مو كذا وبس جيتهم بالبركة لا ارسلو لي رسالة ولا

كلموني اخذت الجهاز رحت للبيت اجربه الا الجهاز مافيه شبكة قلت صلحو شي وخربو شي ثاني قلت طيب برجعه لهم

وبالفعل رجعته لهم بتاريخ 10/10/2009 كان يوم السبت وقلت لهم ياخي مو حاله تصلحون شي وتخربون شي ثاني قالو

ابشر راح نحل لك المشكلة وباسرع وقت باذن الله قلت اول مره جلس عندكم فوق الشهر الان كم بيجلس قال

المشرف حقهم ابشر تعال يوم الاربعا وابشر بسعدك اللي هو تاريخ 14/10/2009 المهم انا ماجيتهم في نفس التاريخ

جيتهم يوم السبت تاريخ 17/10/2009 تخليو الجهاز الى هالوقت مابعد تصلح والله طلع لي قرون وعلى طول على

المشرف قلت انت عطيتني كلمة ولا التزمت فيها قالي ابشر رح انت وانا راح اتابع لك الموضوع واليوم راح اتصل عليك

واعلم وش المشكلة بالضبط قلت اوكية انتظر اتصالك تصدقون يااخوان الى اليوم مافيه احد منهم اتصل علي والله شي

يقهر بس ماسكت ارسلت يوم 18/10/2009 الى شركة ال جي الادارة الاقليمية اللي في جدة وشرحت الموضوع لهم

وجاني رد بانهم راح يحولون الموضوع الى الشخص المختص والى يومك برضو مافيه احد كلم والا ارسل شي انا عااد

قبل امس ارسلت رسالة الى شركة ال جي الام (كوريا) والى الان انتظر الرد والظاهر لاحياة لمن تنادي والله شي يقهر

ياخوان بغيت مشورتكم ياشباب ....... ولكم الشكر واسف على الاطاله


مقتطفات :

* عملية اصلاح بعض الجولات لاتتم في الرياض وانما ترسل الى فرعهم في الخبر

*اخبرني احد الموظفين ان مشكلة ال جي انهم مايوفرون قطع غيار ( على ذمة الموظف)



الان نحن في تاريخ 26/10/2009 ومازال الانتظار