|
طبختي الاولى في مكشات + اهداء حي الله الشباب كلن باسمه اليوم جايب لكم طبخه جت على عجل لقيت المعزبه ما طبخت تعبانه تبيني اجيب من المطعم يوم اذن العصر وتخمني على لحم لاني مبطي عنه . مره دجاج ومره سمك قلت هالمره لحم والا الساعه 3.10 العصر قلت يمدي والا لا اللحم جامد قلت ما بدهاش الكاتم يحل لك الموضوع والعصر قد اذن واطلع الكاتم واحط اللحم والماء والبهارات واللومي والملح والبصل والطماطم واسكر عليه واروح واصلي الى اللحين ماجت فكرة التصوير وقلت الا ورى ما اصور الموضوع والجوال جاهز ما يعوق وعقب الصلاة .... اخليكم مع التصوير افضل 1- هذا القدر فتحت البلف واللحم فيه يطبخ 2- هذا الرز منقوع ومعه ثلاثه فلفل حار 3- شوفو اللحم ياطيبه طيباه 4- وهذا الرز كبيناه 5- وهذي المرقه الزايده فيها طعم طيب 6- وهذا الكاتم عقب ماكبينا الرز سكرناه ويجلس 10 الى 13 دقيقه 7- وهذي السلطه نبي نقطعها شرائح للتزيين 8- هذا الرز عقب ما فكينا القدر يشهي ولذيذ يمي يمي http://www.mekshat.com/pix/upload03/...mk65117_12.jpg 9- وهذا الرز يوم نكبته النكب من الغرف مو من النكبه والصراحه من اليوم وانا ناكبه ياما في كاتم ياما في صحن واخرتها في البطن ههههههههه 10- هذا القدر عقب النكب مافيه قرارة ما يحتاج غسل على طول في الدالوب :j 11- وهذا الرز عقب التزيين 12- وهذا عبدالملك ونوره مادين يديهم ياكلون واخرتها كل واحد خذ خياره وانحاش http://www.mekshat.com/pix/upload03/...mk65117_17.jpg 13- هذي صوره اهداء للغالين اللي بتجي اسمائهم بعد شوي http://www.mekshat.com/pix/upload03/...mk65117_20.jpg 14- وهذي النتيجه النهائية والحتميه لان الطباخ مو خربوطيه ههههههههه 15- وهذي ختام الغدوه رمان طايفي يحبه قلبك وأخيرا اتمنى ان تكون هذه الطبخه المتواضعه والتي جاءت على عجل ان تحوز على اعجابكم وهي اهداء لكل من 1- محتاج صاحب القلب الكبير والقدر الوفير وهالاهداء ماهو قد المقم بس لعلك تقبلها 2- رعدالصحراء المبدع المتألق في جميع مواضيعه واقوله هذا الاهداء ماهو قد الصحن اللي قدمته لي بس الجود من الماجود 3- الغزال الشارد هذا الرجل الفذ القليل ماتجد مثله وقد اتصل علي بعد الرحله الي طلعت فيه مع شباب مكشات يسلم علي وسلم على جميع من ذهب في الرحله ولقد احسست انه مثل الاب والاخ الكبير الذي يتطمن على اخوانه ويعرف احوالهم ويسر لسرورهم فهذه هديه متواضعه من اخيك الصغير ابو عبدالملك 4- ياعين ابوي وهذه الهديه بمناسبة عودتها للمنتدى اسأل الله ان ييسر لها امره واحد مجمع الاهداءت كلها في موضوع واحد يخاف ماعد يطبخ مره ثانيه ههههههههه أقلطوا الله يحييكم ياعين ابوي انت خليس مع نوره وعبدالملك وامهم على صحنهم :D أبو عبدالملك ،،،،،،، |
| الساعة الآن 03:40 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir