قصيدة غراميه راح تعجبكم حيل بسم الله الرحمن الرحيم يازين يوم اني انا وانتـي صغار توما لبست شماغ وانتي عبــايه.. بالطول مانـــاصل ولا خمسة اشبار دايم نقـــيس اطوالنا بالمرايــه.. مابيننـــا شيـــن نخبيــه واســـرار ماغير لعب اطفال كل الحكايــه.. ماهمنا موجز ولا نشرة اخبــــار التسليه صارت وسيله وغايــه.. وان جا فلم كرتون للقطو والفار نجلس نتابع قصتــه للنهايـــه.. . . بالمدرسه نزعل على شان الاصفار انتي سبب لعبك وانا من غبايـه.. ياما تهاوشنا على كيس فيشــار انحاش به وافرح بطردك ورايه.. وان قلتي ياناصر ياويلك من النار اخاف واستسلم وابين خطايـــه.. والى ضربتيني تقــل بيننــا ثــار وان قلت كافي قلتي ماهو كفايه.. والى خلصتي ضرب بيمين ويسار اخذتي الفيشار واللـي معايــه.. . . . والى زعلت وقلت ابا اروح للدار صحتي وقلتي اسفه يا غلايه.. واصدقك وافرح بعد ذيك الاعذار واجيك لا حاقد والا احمل وشايه.. بس لو اشوفك مع بشر غيري اغار لو كان اخوي أو من أعز اصدقايه.. واركض لخوك اقول شفها مع اكبار عشان يفرض لي عليك الوصايه.. هــــذي طفولتـنا براءه وتذكـــار دايم نحن اليا ذكرنا البدايــــه.. واليوم ابا اكتبها سواليف واشعار وافكر انتجها بفـــلم وروايـــه.. يازين يوم اني انا وانتـي صغار ..توما لبست شماغ وانتي عبــايه\ وسلامتكم جميعاً عندي طلب أخير بس ردودكم بليز بليز!! |
مــرحبــآآ .. يسلمـــوؤوؤو ع الطـــرح الــ غ ــآآوي .. فـ انتظـــآآر الزوؤوؤؤود و اليديد .. و موضوع يستاهل التقيــيــم .. |
تسلم ياأخوووي على الخااطرة الغااوية.. اللي فهمته إنهاا قصة طفولية ومليئة بالحب والموودة.. أبدعت ياأخوووي والله لا يحرمنا من طلتك الغااوية.. ونتريا منك الزود واليديد.. واوصل الكتاابة .. أختك الفقيرة إلى الله.. روحي بدوية.. |
السلام عليكم ورحمة الله وبركاته مرحب اخوويه سمحلي اخبرك هالقصيدة للشاعر الرهيب القطراوي هوه معانا بالمنتدى..^^ وآلسموحه..ومشكور عالجهد الطيب.. |
الساعة الآن 03:10 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir