منتدى استراحات زايد - تفاصيل عرس الشيخه شيخه والشيخ ناصر بن حمد

قدمت الحفلة المذيعة المتألقة (لجين عمران)

و زفة العروس كانت من غناء راشد الماجد وحسين الجسمي ..

ابتدا الحفل بتقديم المذيعة لجين عمران للفنان عبدالله بالخير

ستايل العرس كان مودرن وراقي والكوشة كانت خباااال ومميزة وفكرتها غريبه ومبتكره .. مافيها ولا ورده س معتمدين على الإضاءة الذكية والتقنيات الحديثة والليزر واللي مسوي الكوشة مصمم صيني حسب كلام عبدالله بالخير

الكات ووك أو الممشى اللي تمشي عليه العروس نزل من السقف قبل الزفه وكانت حركة حلوة وبعد ما خلصت الزفه ارتفع مره ثانية

قبل الزفه ابتدت قصيدة من كلمات وإلقاء المعرس الشيخ ناصر بن حمد آل خليفة إهداء للعروس الشيخة شيخة بنت محمد آل مكتوم وكان اسم القصيدة (يوسفية) وكلماتها تجنن ورومنسيه وايد ..

بعد ما خلصت القصيدة اتغيرت اضاءة الكوشة وابتدت عروض مميزة ومبتكره بالتقنيات الحديثه والليزر بس صدق خباااال وتحسين انج في عالم ثاني ! .. وبعدين ابتدت الزفة ودخلت على انغامها احلى عروس ونورت القاعة ما شاء الله

العروس الشيخه شيخة كانت قمر ما شاء الله عليها ربي يحفظها ومكياجها لبناني بسيط وناعم يبرز ملامح الجمال الطبيعي لأن هي غاوية بدون مكياج ما شاء الله

فستان العروس كان روووعة يجنن وراقي جداً ويلفت الأنظار ومخصر و قصته شرات قصة السمكة ومشغول بالألماس من فوق لين تحت ومكلف نص مليون ما شاء الله بس ماعرفت منو المصمم .. والطرحة كانت طبقتين على الطريقة الأوروبية ؛ طبقة قصيرة من فوق وكلها ميمعه على الراس وعليها ورود والماس وسوارفسكي وبعدين طبقة طوييله من تحت وكانت العروس فاتحه شعرها الطويل ما شاء الله وحاطه تاج ملكي ألماس

الباقة كانت ناااااعمة وايد وسمبل وراقية و بس فيها وردتين كالا ليلي Cala Lily من النوع الايلجنت Elegant اللون الأبيض وملفوف عليهن ألماس شرات اللي في الفستان بطريقه ناعمة

http://images.theknot.com/ImageStage...arge_image.jpg

الضيافة والحلويات في العرس معظمها كانت من محل Bella Luna وكانت راقية ما شاء الله ولذيذه ..

و شرات ما قلتلكم مهتمين بالتفاصيل الدقيقة وأبسط مثال غرشة الماي بروحها كانت تحفية فنيّة راقية وتلفت الأنظار من Filico - The Jewelry Water شرات هالصور بالظبط :

http://i285.photobucket.com/albums/l...9/about_01.jpg

توزيعات العرس كانت عباره عن سي دي CD بعنوان "فرحة العمر" إهداء إلى سمو الشيخ ناصر بن حمد آل خليفة بمناسبة زفافه وهذي صورته :

http://uaewomen.net/upload//uploads/...4539bde329.jpg

http://uaewomen.net/upload//uploads/...982dcafc40.jpg

يتبع ...