منتدى استراحات زايد

منتدى استراحات زايد (http://vb.ma7room.com/)
-   منتدى أخبار المواقع والمنتديات العربية والأجنبية (http://vb.ma7room.com/f183.html)
-   -   تغريب 6 شهور عن الديره (http://vb.ma7room.com/t2267495.html)

محروم.كوم 12-11-2017 01:21 PM

تغريب 6 شهور عن الديره
 
السلام عليكم ورحمة الله وبركاته .
صبحكم الله بالخير الجميع

في فترة عزوبيتي واذكر كان عمري 24 سنه ذات يوم تلاسنت مع شاب من شباب العشيره وتشابكنا بالايدي فزعو الشباب الموجودين وهم يفكونا عن بعض انكسرت يد هالشاب
وفرقونا عن بعض بعد حوالي ساعة زمن دوى صوت الرصاص في الديره كان عباره عن رشقات متلاحقه دقيت على صديقي خالد
قلي : اولاد عمومتي من خمستي ( يلتقي فيهم بالجد الخامس ) نبشو المشكله اللي حصلت قبل سنوات وتطور الامر وصارو يتبادلو اطلاق النار والشيبان يحاولو ينهو الامر بالصلح
كنت اطلقت حصاني جنب البيت في قطعة ارض لجاري ابو طالب بعد الاستأذان منه فوافق جزاه الله خير
تركت حصاني يرعى بعد حوالي ساعتين سمعت صوت ضجيج سيارات ناظرت اذا سيارات الشرطه وقوات مكافحة الشغب تدخل الديره كان عددها حوالي 15 سياره وبعض المدرعات
كان قوام هذه القوه الامنيه 150 جندي غير الضباط المسؤولين عنهم توزعو في الديره وسيطرو على الامر وفرضوا الامن والهدوء في الديره
طلعت اروح اجيب حصاني كان جنب البيت حوالي 7 من الشرطه قريبين من حصاني فحاول شرطي يمسك حصاني من رسنه حصاني صار يطلع صوت خشن ينبأ انه حاد الطباع
قال شرطي : وكاد هاذ الحصان عنيف ومشاكس ابتعد عنه
قلت له : حاذر انه الحصان يكسر يدك لانه مو متعود عليك
ناظروني الشرطه كملت كلامي لهم هاذ حصاني وهو وديع مو مشاكس حين سمعني حصاني صار يصهل طلبت منهم يبتعدو عن طريقه ابتعدو عنه جاني الحصان وحط راسه
على كتفي صرت امسح بيدي على رقبته وقلت له : روح على البيت الحين اجيب لك مويه واعلفك
بعد ما علفت الحصان واسقيته استدعاني خالي رحت له لقيت الديوان يغص بالشيبان طرحت السلام وجلست كان بين الحاضرين والد الشاب اللي انكسرت يده
قله الضابط : ما ودك تشتكي على حمود ؟
رد والد الشاب : لا ما ودي اشتكي
قاله الضابط : يعني ودك تاخذ حقك بيدك ؟
قال والد الشاب : لا ما قلت هيك حنا نجلس ونسولف ونتفاهم ونحل هالاشكال البسيط . اذا واحد من اولادي حاول يمد يده على حمود اقطعها عندنا سلوم نمشي عليها
بعد ما الشرطه اوقفت كل من شارك لاطلاق النار وجمعت اسلحة اللي شاركو باطلاق النار ارسلوهم للتوقيف والتحقيق انسحبت قوات الشرطه وظل قسم منهم في الديره لحفظ الامن
جلس خالي ووالد هالشاب في الديوان وكان بعض شيبان العشيره وصديقي ابومرزوق
خالي قال : ويش ودك يا ابو عناد من عيني اليمين قبل الشمال
رد عليه والد الشاب :
يا ابوحاتم انت شيخنا وكبيرنا لاجل تهدا النفوس لزوم يظلو العيال بعاد عن بعض فتره من الزمن
خالي قال : زين اغرب حمود 6 شهور عن الديره يرضيك هالشي
رد والد الشاب : ما قصرت ولانه ولدي شتم حمود وحاول يصغره بين اهل الديره اغربه 6 شهور عند اخواله
وهاذ اللي صار والدتي وخالاتي قالو لخالي تغرب حمود 6 شهور ما يدخل الديره ولا نشوفه ولا نعرف اخباره
رد عليهم بكل حنان : يا خواتي حمود ما عاد ولد صغير حمود رجال خلوه يتخشن بالحياه ويتعلم من هالدنيا خلصت اجازتي وودعت الاهل وحريم العائله ورحت للعسكريه
مضى شهرين و20 يوم اتصلت على خالي وطلبت منه يجيب امي وخالاتي ونلتقي في مكان لاجل اشوفهم فوافق
صديقي خلف قلي : اسمع وانا اخوك ترى اجازتك هاذ تقضيها عندي في ديرتي ما اتركك ولا اخليك تظل 6 شهور في المعسكر هنا وما ودي اعذار
في موعد اجازتي رحت على البنك لاجل اسحب مبلغ وصارلي 3 شهور ما سحبت من راتبي شيء لانه خالي عطاني مبلغ مصروف جيب وما في مشتريات
حين وصلت البنك سألت عن بنت صديقي ابومرزوق حيث انها موظفه في البنك طلبت منها تساعدني لاجل اسحب مبلغ 330 دينار والبنك في زحمه راحت جابت لي
ورقة سحب عبيتها ووقعت عليها غابت فتره حوالي 5 دقائق وجابت لي الدراهم طلبت من اعدها عديت المبلغ وكان 330 دينار
قلت لها : وصلي سلامي الحار للوالد مشتاق اشوفه واطلع معه مشوار
قالت : يوصل ان شاء الله / هاذ البنت الحين زوجة ولد خالي
رحت للمكان اللي اتفقت مع خالي التقيهم فيه كان معه امي واختي الاكبر مني وخالاتي وزوجته وعمتي ام صالح رحمها الله واموات المسلمين جلست معهم حوالي 3 ساعات
وحان موعد الوداع المؤثر امي كانت دموعها تنزل على وجهها وخالاتي واختي كان وداع مؤثر
خالي يقول : خلص يا حريم حمود رجال ما ينخاف عليه بين ربعه واصدقائه العساكر يكفي دموع
صديقي خلف كان ينتظرني بعيد عني حوالي 10 امتار طلعت حريمنا بالسياره وتوجهو للديره
قلت بصوت مسموع : يا هنيكم تروحون للديره واظل بعيد عنها تلتقون الاحبه وما اشوف الاحباب .
قلي خلف : ما ترضى تكون معي صديقك وخويك اللي ما تونى عنك .
قلت له :والله انك نعم الصديق ونعم الرفيق ما تونيت عني ابد
امسكني من يدي واخذني معه للديرته قضيت 5 ايام معه في ديرته وبعدها رجعت للوظيفه العسكريه كان الشوق والحنين يزيد لاهل والاحبه والديره عانيت معاناه نفسيه
في هاذ الفتره اتذكر هلي وربعي وتشتاق نفسي اشوفهم واجلس معاهم ومضى شهرين و15 يوم كل ما اقترب وقت رجوعي للديره احس بالوقت يطول وما اصعب الانتظار
اخر اسبوع لي في العسكريه قبل الاجازه كنت احس الوقت ما يمشي جلست مع ربعي ورتبت لاجازتي وحيث انه صارلي 6 شهور ما وصلت الديه اتفقت مع الربع
تكون اجازتي 10 ايام في اليوم المحدد اول يوم في اجازتي طلعت مع ربعي العساكر المجازين وكنت اسابق الوقت لاجل اوصل الديره وكان معي صديق طفولتي حميدي
اول ما وصلت الديره دخلت حوش البيت سمعت صوت رجال وحريم كانو اخوالي وزوجاتهم وامي دقيت الجرس ودخلت طرحت السلام عليهم
وتقدمت وبديت احب على ايدين امي وزوجات خوالي واخوالي امي تبكي والحريم بطبعهم ما يتحملون المواقف المؤثره الحنان والعطف والمحبه جلست مع اخوالي
وقلت لوالدتي : ابشري اجازتي 10 ايام راح تملين مني خلال هالعشرة ايام طلعت مع صديقي ابو مرزوق مشاوير على صهوات الصوافن العربيه الاصيله
وجلسنا مع والد الشاب اللي انكسرت يده واصطلحنا وانهينا هالاشكال البسيط
اول امس يوم السبت طلعت من البيت وكان هاذ الشخص جنب البيت مع ابنه حين شفته ناظرنا بعض وتبسمنا لبعض وبدينا نضحك من شدة الضحك نزلت دموعنا
الولد قال لابوه : ويش فيكم تضاحكون بهاذ الشكل في شي يضحك ؟
رد عليه ابوه : انت ويش خصك تتدخل بيني وبين ابوظاري نضحك بكيفنا انقلع من هنا روح شوف امك ويش ودها منك جيل ماسخ
قلت له : تعال خلنا نشرب القهوه في البيت ولفنا صديقي حميدي معصب وزعلان دخلنا البيت وطلبت من ام عيالي تسوي لنا القهوه
قلت لحميدي : ويش فيك زعلان ومعصب ؟
قال : يا خوي هاذ ولد اختك ( ابني ) وده يمشي امور البيت على كيفه زوجة حميدي بنت خالتي
( اختي بالرضاعه )
قلت له : ابشرك ولدي ضاري نفس الشيء دوم وده يفرض رايه علينا ويمشينا على كيفه هاذ جيل ماسخ الله يسترنا منه
حين كنا باعمارهم ما كنا نرفع عيونا بالكبار حين يقولون لنا شيء او يطلبون منا نسوي شغله نظل ساكتين هاذ الجيل يطنش وما وده يرد ويسوي نفسه رجال من الحين
جلسنا في مجلس الرجال وشربنا القهوه واتفقنا يكون العشا عند هاذ الشخص اسمه عامر تجمع ربعنا من ايام المدرسه كان عشانا ذبيحه سمينه مندي .والحمدلله
لولا انه والد عامر ( ابو عناد ) رجال عاقل لكانت حادثة كسر يد عامر تطورت لمشكله اكبر ولكن الحمدلله
تمت على خير
وسلامتكم يالربع


الساعة الآن 09:17 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227