منتدى استراحات زايد - N86 : وقصتي مع ضمان نوكيا كير .. وانتوا الحكم

قصتي مع ضمان نوكيا كير (نوكيا كير - الدمام - شارع الملك فهد - حي الاتصالات)

شريت جوال N86 والجهاز ممتاز مافي شي الا عيب واحد فقط
وهو ان الكاميرا لا تعمل ... يعني لا تضغط على زر التصوير مايصور لا صوره ولا فيديو

http://www.it.com.cn/f/mobile/092/18...18_n86p_30.jpg

وديته الضمان ثاني يوم من شراءه ... قالوا لي تعال بكره
جيت اليوم الثاني ...

قال لي انا ارسلت لك رساله على جوالك بـ حالة هاتفكـ ..
قلت له طيب ياغبي جوالي عندكم ولا عطيتوني جوال مؤقت كيف اقرا رسالتك يا سطل.
قال لي الهم جوالك لازم نوديه جدة .. بيرجع لك بعد عشرة ايام.
يا نصلحه لك يا نبدله لك

قلت لهم طيب ليه ماتصلحونه هنا ؟

قال العطل اللي فيه يحتاج ورشه اكبر زي اللي في جدة

قلت له وش دعوه انا جايب سياره ... انتوا وش فاتحين هنا .. وش تصلحون اجل؟ (مالت عليكم)

قال هذا اللي صاير لازم نوديه جدة وتستلمه بعد عشرة ايام

قلت له طيب عطوني جوال بديل اعبر فيه ..
قال ماعندنا ....

قلت .. هه ؟؟؟؟ والله انكم فاشلين مسوين زحمه وضمان وخرابيط ولا عرفتوا تصلحون جهازي .....

اللي صار اني عصبت وقلت له جيب الجهاز انت ووجهكـ ...

اخذت الجهاز ورجعته للمحل بعد خصم 190 ريال من سعره قلت طز في الـ 190 ريال .. وطز في نوكيا كير

وش رايكم باللي صار وكيف سمعة نوكيا كير بعد هالقصه ؟؟؟؟

ويشهد الله اني شريته يوم 29-8-2009 وبعته يوم 31-8-2009