|
قصيده عن الطير للشيخ مسكين جديده مناسبه هذه القصيده العام وقت الربطه وضعت طيري عند رجال من بلاد عربيه يسكن في السعوديه ايغاه يقرنسه وبعد فتره رحت اشوف الطيريوم طلع اسهيل متشفق الى شوفته ولكن اللي حصل بان الطير مريض ومتهالك وليس كما ينبغي والاعمار بيد الله ولكن قد يكون الاهمال واحد من الاسباب وهي جديده وقلت هذه القصيده جاك الفرج ياطير عقب اللهايب عقب المقيض والليالي المغابيش سبعة اشهور موثق بالصلايب مثل السجين وعند ناس مباليش عليه للديان خمسة طلايب ومن الغثاء زودعلى البال تشويش جيتك اهلي يا عطيب الظرايب يامقطع اقلوب الحباري المخاريش فعلك يذكر بين ربع وقرايب واهل الولع من زين فعلك مداهيش الصيرم اللي في افعوله عجايب جول الحباري لا قفاهن مرابيش العام اناء وياه مثل الصحايب بارض قفاروالصحاري النشانيش طلعه وكاد ولابعد رد خايب اليا طلب ماقول طلعه على ويش وتقاقعن من تحت قشعه رعايب وتدافعن اتقول جمع مهاويش وراج يتخيرطايب الكيف طايب وسلط على خربن اشدوقه مداغيش نزر على الثندات عضل النشايب خلى العواشق من نجيره دناديش ياطير اناء وياك حاضر و غايب جيتك امولع بنقلتك والمطاريش ياطير عقب سهيل نرجع حبايب عزك بقلبي وللمحبه نغاميش واليوم شفتك وشفت عزر المصايب يوم شفت ريشك يابسات تقل حيش وجتك الحفاة بين وكر ونصايب ومن السويرق ذاويات بك الريش وعضيت كفي عقب ذيك الطرايب يوم شفت ربشك غاديات عكاريش وجدره بخشمك واسفل البوز عايب وفحه بصدرك ينسمع له خشاخيش اناء احسبني بربطه الطير صايب عند الذي ملبوسهم للطرابيش وسلامتكم انتظر من الشعار رد على هذه القصيده حتى يكتمل جمالها وتقبلو تحياتي اخيكم فهد محمد الهلالي 8\9\ 1430 |
| الساعة الآن 02:06 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir