من قصايد الشيخ مسكين من فصايد الشيخ مسكين اقفى لهيب القيض مع حموة الشمس وفزت صرايم عقب ماهي محروقه وذعذع براد الوقت واشتقت النفس وقلبي على المطراش شي يسوقة صرت اتوجد واصفق الخمس بالخمس من العام الاول اتحراء شروقه حب الفلاء ياخوي تطرب له النفس خطر على قلبي يقطع عروقه البر احبه باطول الصوت والحس واحب من يرعى بضينه ونوقه يافهيد عجل وحمل الطير بالجمس واجعل اخطاتك مثل شاعل ابروقه يافهيد بلغ اريش العين يلهمس وقله في امان الله وكمل احقوقه نبي انتدارك بالزمن طلعه الشمس يالله تسهل دربنا ماتعوقه مروحنا من حد لينه الى الخفس وفياض سدر حروها غرب لوقه وان جيت حرو الصيد لجه تعسس هذا اثر مذراه وهذا اذرو(؟) وابلج عن اللي فوق كفك يتحسس عارف اسواته لايقطع اسبوقه لاشاف زولا بالمحاجي يتدسس ادله عليهن والقدر له يسوقه في كفته رمح من الصلب لبس لامن بلغ مرماه تسمع افتوقه وعمد وراه الريش كوم ومفلس ودم الثنادي يبسن في ارفوقه وان جيت تعزله ايتصدد عن الدس يبي العشاء يافهيد بدمه يذوقه وعود الربعك رابح مطرب النفس ربع من الاخيار وطيب الرفوقه وجيه مفاليح مابهم مايعبس هذا على يمناك وهذا اطروقه وهذا صديق لشبت النار جلس صفة ادلاله بالمراكي اتشوقه هذي امركها وهذي لها الحمس بريحة ابهار للمقيل اتفوقه وهذا يجهز الغداء ياخص الكبس ماهو من اللي الغداء لك يحوقه وجت السواف عن حيات مضت امس وكلا على كفه ينقل عشوقه وعقب الاعصير ان تبارى مع الشمس كود ايتبين من تحراء لحوقه كود ايتبين لشقر الريش من هجس طير الحباري مرخيات اسبوقه وسلامتكم |
الساعة الآن 09:06 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir