عيون من زجاج السلام عليكم ورحمه الله وبركاته هلا بالاعضاء الحلوين عساكم مرتاحين ...؟^_^ ما بطول عليكم الموضوع واضح من عنوانه المسلسل عيون من زجاج شو رايكم فيه....؟ انا الصراحه يوم شفته اشمأزيت منه لوعه جبد شو ها كله قله الادب وانا اشوفه إهانه لامه الاسلاميه يعني واحد اجنبي يفهم عربي لو شافه بيضحك علينا بيقول هالاسلام الي يرمسون عنه وين ايمانهم بربهم وين عقيدتهم والممثلات كل حده الله يستر شو لابسه لبس كله فاصخ الحيا وبعد في اساه عن التربيه بيقولون احنا تربيتنا كله ظرب وحرام وماشي تفاهم ....... والله اتحسرت على الي اشوفه وبعد هذا بياثر ع اليهال الي اهلهم يخلونهم يشوفون التلفزيون بروحهم ع اساس يشوفون رسوم وهم ما يدرون انهم يشووفون شي الواحد يشمأز منه وبيتعلمون شي حرام مب زين لهم ..... سؤال للجهات وينهم مايشوفون التلفزيون وينهم عن حمايه سمعه الاسلام وحمايه اليهال ....؟ هل من مجيب ...........؟:54: خلالالاص شو الفايده كل شي اخترب بس لو منعو هالمسلسلات والقنوات الماصخه ع الاقل بننقض سمعت الاسلام واليهال الي هم جيل المستقبل وفي الختام السموحه من يالاخوه طولت عليكم وايد تقبلو مني اختكم الصغرونه ......خرباشوه:1::1::1::1::1::1::1: |
وعليكم السلام ورحمة الله وبركاتة بغض النظر عن ها المسلسل ، اغلب الدراما الخليجية الآن للأسف الممثلات والمخرجين ( ارفعي التنورة وكشفي العورة ) تنجح اكثر والناس تكثر !! انا من خمس ايام كنت اطالع برنامج على قناة المجتمع يقابل فيه منتج فيديو كليبات ( تائب الى الله ) والله يهدي جميع المسلمين ، وشرح للمشاهدين شو طبيعة هذا الوسط الفني ( التمثيل والأغاني والكليبات ) والعياذ بالله كله فسق وقلة ادب وبعد عن الدين .. اغلب الممثلات الخليجيات سواء خليجيات او مجنسات او متطبعات بالخليج يعلمن بناتنا على الفسق وموضة اللباس الغير محتشم والمكياج .. والبنية طبعاً تتأثر بطبايعهم وادوارهم فالمسلسل .. صارت مسلسلاتنا ( عــــــــــــــــــــــــــرض ازيـــــــــــــــــــــــــــاء) ماشالله الدراما الخليجة (ليست كلها بل الغالبية ) تضارب على مسلسلات اللبنانية والمطربة هيفاء وهبي .!!! والغلط يقع على عاتق ( فضائياتنا ) ترخص في نفسها ومن سمعتها وتعرض (هالحثالة) اللي مايسوون شي .. وصدوقونــــــــــــــــي ماشي فنانة مرتاحة في دنياها اذا قالت غير عن ها الرمسة فهي (اعذروني على ها المصطلح)>>>جذابة .. ارجعوا بالذاكرة للوراء شوفوا الفنانات كيف كانن والحينه شقايل استون والأدوار ( اللي كل وحدة تفتخر انها تتقمص الدور ) سواء ( اعذروني على ها المصطلح ) بايعة نفسها او تتفاخر بلباسها.... وللأسف فالفترة الاخيرة تقريبا من سنتين تكلمت الصحف عن (فنانة اماراتية) سوت حادث وهي (سكرانة ) اي فخر هذا اي تمثيل للبلاد اي حرية شخصية ؟!! اعذروني على الإطالة والى هنا ارفع قلمي ، ولكن ادعوا للجميع بالهداية والثبات وفي هذا الزمان القابض على دينة كالقابض على يمــر 0 0 اخوكم / النعيمي |
اقتباس:
يشرفني انك اتكون اول واحد يرد على موضوعي نورت الصفحه ^^ صدقت اخوي في كل كلمه وما انقول غير حسبي الله ونعم الوكيل والله يهدي الجميع وانا بروحي ااكرهم خاصتنا المغنايت هيفا واليسا >>>وهالاشكال ودي اجتلهم يلوعون بالجبد والحين اي ازياء الي انشوفه واي لبس حشى حشمه ولا حيا وبعدين صدقت يوم قلت عن المكياج رغم اني بنت بس المكياج الي يحطونه انا بروحي اتخرع منه يحطيون كليو مكياج ويخسفون عمارهم صح احطي مكياج بس ما جي ازيغ خلق الله وما عليك امر اخوي قول الي بخاطرك ولا هنت ع المرور وسلمت ع المرور والسموحه منك طولت في الرد اختك الصغرونه .....خرباشوه |
حسبي الله ونعم الوكيل شفت مشهد منه يلوع الجبد وحدده تشرب دوا ماعرف شوو اصلا المسلسلات احينه ماتحاكي الواقع وكله دلع ومصاخه وعرش ازياء نادرا ماتحصلين مسلسل يمثل الواقع والممثلين ماتحسينهم يمثلون تحسينه شي حقيقي يسلمو ع الموضوع الطيب |
[overline] وعليكم السلام ولرحمة [/overline]يعطيج العاااااااااافيه على هالطرح مشكله لها واقعها المر في مجتمعاتنا..........للأسف هدا المسلسل شفت بدايته...ولا عت جبدي...والله احيد يوم بعد الرمضان يوم عرضوووه......يالسه اجلب بالقنوات.....وحطيت هالمسلسل.......بس جيه والله انه اخويه دخل ويوم شاااف هالمسلسل...قعد يشااااتم.........وقال هالمسلسل...ما يتحطى...مع انه ما قد شااافه بس سمع عنه عند الشباب......... الضياااااااااع ببيزه الحين...لا دين ولا حيا ولا مستحى.... الله يعنيا والله يعني الاجيال اليايه على هاللي يشوفونه |
السلام عليكم ورحمة الله وبركاته مرحبااااااااا السااااااااع صح كلامج البارحه شفته ولاعت كبدي كله مصاخه وقله حيااا وحشيمه أصلا الحين الدراما الخليجه غاديه ماصخه بكل معنى الكلمه .. واستووا اييبوون اشياء هب معقووله وكله خيال في خيال الله يهديهم وحسبي الله ونعم الوكيل يعطيييييييييييج العافيه وتقبلي مروري..^^ |
اقتباس:
اختج الصغرونه......خرباشوه |
اقتباس:
شو انقول غير الله يهدي الجميع والله يبعدنا عن هالاشكال وسلمتي ياخويتوه ع المرور الطيب ولا هنتي ^^ اختج الصغرونه ......خرباشوه |
اقتباس:
هيه والله كله خيال وتخريف مالت عليهم والله يهديهم وسلمتي خويتوه ع المرور الحلو ولا هنتي واتقبلت مرورج ومرور الكل نورتو الصفحه ^^ اختج الصغرونه .......خرباشوه |
يسلموو اختي ع الطرح الغاوي .. صدقج هالمسلسل كان فضييييييع انا كنت ما اعرف عنه لاني كنت فالجامعه وما اشوف مسلسلات فرمضان بس مرة كنا يالسين كلنا مع الاهل وخواتي الصغار يتضاربن وحده عمرها تقريبا 9 سنوات والثانية 12 فالصغيرة تقول للكبيرة والله اذا ما عطيتيني اللعبة بغتصبج فليل اتخيلوا ونحنا كلنا فجينا عيونه قلنا لها تعرفين شو معنى اللي قلتيه قالت لا بس سمعته في المسلسل اللي تمثل فيه بدرية احمد قلت لها اي مسلسل حبيبتي قالت عيون من زجاج وياني فضول اشوفه وللاسف يوم شفته ما اتوقعته جي ومن هذاك اليوم صرنا انخاف نخلي اليهال يشوفون التلفزيون بروحهم .. سوري طولت عليكم .. يسلموو خيتو وتقبلي مروري |
الساعة الآن 03:19 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir