|
اليكم تقرير زيارتي لجني ثمرة اللصف ( الشفلح ) هذه السنة 1430.. سرهيد السلام عليكم إلحاقا لموضوعي على الرابط التالي : صيف وقيض ... ولكن مع احلى ثمرة صيفية(شفلح-لصف)يستاهل العنوة.. تقرير مصور .. سرهيد وكما وعدتكم يا احبتي بان اعس هذه الثمرة ، لان الوقت هذا هو وقتها . فقد ذهبت عصر الخميس الموافق 16/8/1430هـ وتفاجأت حقيقة بكثرة الدارج وان المكان مطروق . مما جعلني أيأس من وجود شيء فالطريق واضح ان الدارج عليه كثير . حتى لقيت سيارتين في نفس الشعيب اللي انا راسم عليه . لكن قلت ما دامني جيت ، لابد من اخذ لفة نشوف . وفعلا بدأت اللف ومثل ماتوقعت كانت الاشجار كلها مخروفه وما فيه الا الثمر اللي ما بعد نضج . حتى غير البشر سابقنا على الثمرة وهي ما استوت لاحظوا من يكون :):) ومع ذلك ما إيست اخذت الف وادور . شوي الا المح ذاك الصفار من بعيد في ذيك الشجر ، قلت ابشر بالسعد . وفعلا اقرب والقى هالمزيون . وانشرح الخاطر وبدأت ابحث زيادة حتى من الله بالمجموعة الطيبة من هالثمرة وهذا احد الجروة يوم تم فلحة لاحظوا كيف شكله . بس هاه اياني واياكم تقرضونة . وهذا بعد ما تم اكله وبالهناء والعافية :) بالمناسبة لقيت الاخضر كثير جدا مما يعني انه يحتاج للزيارة وان كتب عمر زرته ثانية . تقبلوا احترامي اخوكم ومحبكم ابو عبدالله |
| الساعة الآن 05:15 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir