- - - - - - - -- - - - -

الجــــــــــزء الاوووول ..

طلبتك خل فرحنــــا دايم .. وخل عمرنـا هايم ..... ونقول للبعــــد من انت ؟؟
توكــــــل روووووووح ياظــــــالـــــــــم ...


فتحـت عيـني اقااوم النـور الي عور عيـووني ..شوي شوي وفتحـتها ..مسكت بطـني ..آآه يوووعــااانه ..حسبي الله عليك يابطوي ..رقدتني بيوعي ..
رحت الحمــااام تسبحــت وانا احـس اني بمووت من اليـوووع ..رحت صوب الباب قلت عل وعسى يحن قلبه علي ويفتح علي الباب ..بس بلا فايده ..الباب مقفوول .. اوووف ..يوعاااااااااااانــــه ..
مسكت جواالي واتصلت البيـت ..
ردت علي اختي مهره .. قلت لها : وين اخووووج هالثـــوور ..قولي له يووووووعااااانه خليــه يفــتح البـــــاااااااااااب ..
مهره : والله اني قلت له ..بس مو طااايع ...والحين رااح الشغل وخذ المفتااح ويااه ..
قلت وانا معصبـه : اووووووووف منـــــه ..( وقعدت افكر ..) اممم ..اي مهرووه ..
مهره : شنو ؟
قلت لها : رووحي المخزن وبتشووفيـن سبيرات مفاتيح البيت جيبيهم وحااولي تفتحيـن الباب ..
مهره وشكلها حزينه : اخووج حااسب حساابـه ..دخل المخزن وخذ السبيـر ..على بالج بيطووف عليـه هالشــي ..
طنقـرت وعصبـــــــت ..وزين ماكسرت الجواال من كثـر ماضغطت عليه وانا معصبـه .. سكرت التلفوون في ويهها ..وانا اتألم من شده اليوووووووع ..طلعت صووب البلكوونه ..وياات في باالي فكـره .. بس اخااف اسوويها اموووت ..اووف يااربي .. بس مااعرف اسبـــــــــح .. اووووووووه .. رجعت حجرتي وقعدت احووس واحووس ..ابي شي آكلـه .. مااااااااااافي .. قلت بتصل حق بطي ويشووف يمكن يحـن علي شوي ويفتح الباب لي ... اتصلت له ومن رابع رنه رد ..
بطي : خيــــــــــــــــــر ؟
قلت له وانا اتمسكن : حرام عليك بطي ..والله اني يوووووعــاانه ..
بطي : شنو المطلوب مني ؟
في قلبي ..اووف يااقلبك الحجـــــــر ..بعدين قلت : حبيبـــــي ..بطوووي ..والله اني يوووعــاااانه ..تعاال افتح لي البــااب ..ابي آكــــــــــــــــــل ..
بطي : علشان مره ثانيــه تحرميــــــــــن تطووليـن لسااااانج علي ..
مالت عليك اقوول ..شفت امي وابووي سافروا قمت تستقووي علي ..بتشووف بس خلهم يجوون بقولهم عن سواايك مسود الويه ..
قلت له : والله آسفـه ..ماعيدها ..والله اني ماعيــدهااا ..وان شفتك مره ثانيه ببووس راسك .." وفي قلبي.. طل ابووسك .."
بطي شكله نااوي يذلني : امممممممم ..بفكـر ..
شوي وكنت بصيـح من اليوووووع : بطــــــــــي حــــــرااااااااام ..
بطي : زين انا الحين في الدوااااام ..شلووون اطلـع ؟
قلت : عااااادي .قول حق المدير اخـــــتي بتمووووووووووت ..
بطي شهق وكأنه استغرب من كلااامي : شنو تبيـني افااول عليج ؟
قلت له وانا ابرر موقفي : بصـراااحه انا صج بمووت من اليووع ..وانت بتقوول له الصج يعني مابتجذب عليه ..اختك بتموووووت من اليووع ..
بطي سكت فتره ..بعدين ضحك : مالت عليج والله سخاافتج ..الحين بجي البيت .." وماعطااني فرصه انطق سكر التلفوون بويهي ..ماهمنـي ..بس استاانست انه بيجي وبيطلعني وبروح آكـل .. وبعد تقريبـا نص ساعه سمعت حس بطي يقول : ابطل لج الباب ..
رحت اركض عند الباب : اي فديييييييييتك ..بطــــــل ..
بطي : بس بشرط ..تبووسين رااسي ..
قلت بغروور : هههههااااااااي .. اقوول احلــم بـــــــــس ..
بطي : اووكي ..كيفج انا موخسران شي .." وشوي وحسيت صوته يبعد ..رحت لصقت في الباب وحتى حسيت اني كسرت الباب وعضامي عورتني ..
قلت له وانا أتألم من اليوع ومن ضربتي للباب : بطي سوووووووري والله ..تعااال ببووووووس راااااسك ..
بطي قرب : لانج عااندتي في البداايه ..بخليــــــج تبووسيــــن رااسي مرتيــن ..
شهقت وقلت : شنوووووووو ؟
بطي بنبرة صوته الي تنرفزني : اذا مو عااجبج خيســــي ..
قلت له وانا اطلب الرحمه منه : اووكي اووكي ..عااجبـني ..بس بطل لي الباب ..
بطل بطي الباب لي وعفدت عليه بسته مرتيـن على راسه ورحت ركض انزل من الدري ورحت صوب المبطخ ..وفتحت باب الثلااااجه ..مالقيـت شي جااهز آكلـه ..عصبت ورضختـها ..الي يشووفني يقوول جايه من مجااعه ..بس حسوو فيني ماكلت شي من امـــــس .. شفت صينـيه الفطوور ..رحت وعفدت عليها وقمت آكل بشراااااااهه ..والي يشووفنـي يقوول عمري مااشفت اكل .. وشوي وحسيت بحد واقف فوق راسي رفعت راسي وحلجي فيه خبز ويا بيـض .. وشفت مهره واقفه جداامي ..
وانا حلجي فيه اكل : خير ؟
مهره لاعت جبدها يحليلها وطلعت بسرعه من المطبخ ..مت عليها من الضحك ..وعقب ماخلصت اكل ..طلعت من المطبخ ..وقعدت ع الكرسي وخذت الريموت من يد مهره ..ويحليلها ماقالت شي ..دووم انا اتحكم فيها ..يحليل اختي والله ..مغلووب على حالها هههههه .. قعدت افرفر في التلفزيوون ماشفت فيه شي سنع ..
التفت عليها وقلت : وين اختج منور ؟
مهره : رااقده ..
قمت : هااذي ماتشبع رقاااااااااد ..كلـــــه راااااااقــــده ..
ورحت فووق قلت بقوومها .. شفــت بطي طالع من حجرته ..وشكله كان معصــب ..ماعرفت شنو اسووي ..لانه من النوع اذا عصب ماايشووف جداامه ..بصرااحه انا جربت اشيااء واايد منه ...فـ قلت بنقذ رووحي ..وبسرعه رحت غرفة منور ..وعلى بالي الغرفه مفتحه لانه دووم منور تخليها مفتحـه ..وانا ابي ادخل وانا مرتجفه من الخووف ..دزيت الباب ودخلت ورقع خشمي بالباب لانه كااان مقفوول .. اما بطي الي تغيرت ملااامحـه من العصبيه لـ الضحـك ..
نـــــــــرفزنــــــي بشكـــل ..عصبت عليه وقلت : آآآآآآآي ..ترى مايضحك ..
بطي :هههههههههههههه ..شفــــتي شكلج ؟ ..طااعي خشمج شلوون احمـر ..هههههههههههه
مسكت خشمـي وانا مفتشله ورحت حجرتي وشفت خشمي في المنظره ..اووف جووفوا شلوون احمـر ..الله يااخذ بليسك يااابطووي ..
فركت خشمي بقووه ..بس عوورني وتحسفت اني فركته ..طلعت من الغرفه وانا متملله وابي اطلــــع ..شفت مهره في الصاله وتشوف فلم سألتها وين بطي ..
مهره : طلع ..
شوي ورن التلفون رحت اركض له ورديت : الووووووو ..
......: هـــــــلااااااا والله ..هــــــلااا بهالصووووووووت ..هــلااابعووشتي ..
طرت من الونااسه ..يااعاالم امي تكلمـــني ..
عوش : يمــــــــــــــــــــــــــه ..حبيبتي ..وحشتيـــــــــــــــــــــني ..
امي وكان باين عليها شوي وتصيح : فدييييييييييت قلبــــج ..انتي بعد وحشتيـــــني ..ووحشوووني اخوااااانج ..شلوونكم شعلوومكم ؟
عوش: بخير يمـه ..كلنـاا بخـــــــير ..ونبــيـكم ترجعوووون ..
امي : ان شالله جريـــــب ان شالله ..
عوش : ان شالله ..شخباار ابوي الحين ؟
امي : والله الحمدالله ..صحـته عال العاال ..ويقول الدكتـور ان بعد اسبوعين او ثلاث بنرجع ..
صرخت : يعني بتجووووون قريـــــــــب ؟
امي شكلها طاايره من الوناسه : اي ان شالله .. يلااا حبيبتي ابوج شكله قام ..سلمي على اخواانج ..وديري بالج عليهم ..
عوش : ان شالله يمـه ..مع السلااامه ..
امي : مع السلامه ..
سكرت من امي وانا مستــــــااانســه ..بس كنت مستاانسه اكثر يوم عرفت بأنه ابوي تعاافه من السرطااان .. يااااااي ..شنو كانت فرحــــتي .. امي وابوي مساافرين المانيـا يعاالجوون ابووي ..وعمي عبدالعزيز مسافر وياهم ..يااربي هذا عمي عبدالعزيز اموووت عليـــه ..احبه اكثر من بطي اخوي ..هو في نفس عمر اخوي بطي ..يعني تقريبا 24 سنـه .. بعرفكم على نفسي ..
" انا عوش ..عمـري 20 سنـه .. اكبر وحده في البنـاات ..طبعا من حظي الردي ..حنطااويه مايله لبياض ..يعني شلوون مادري .. عيـووني عسليه على امي فديتهاا ..شعري اسوود طوويـل يوصل لين ركبـي .. طبعي خجووله ..بس مرحـه ..واحب اسووووولف واايد واحب آكـل واايد وارقد واايد .. واممممم .. بس وبتعرفوون شخصيـتي بعد عن قريــب ...^_^ "
شفت منور نازله ومتضايقه ..
قلت بسألها : شبلاااج ماده البووووز ؟
منور : مايخصج ..
عوش: يالرزيله هاذي يزااتج اسأل عنج ..
منور عصبت في ويهي مادري شفيها : مووووو لاااااازم تسأليــــــن عنــي ..مابيج تسأليــــــن زيــــــن .."وقامت راحت المطبخ ..هزيت راسي وانا اقول الحمدالله والشكر ..وسألت مهره .. شبلاااها ؟
مهره : امس يوم بطي حبسج في الغرفه هي كانت راده من بيت عمي تصيح ..ويوم سألتها عصبـت علي .. وقالت لي نفس ماقالت لج ..
شكيت انها متهااوشه مع عمر ولد عمي ..ماايووزوون هالثنيــن .. وشوي وسمعت جوال يرن ..والصوت يقرب ..والتفت وراي لان الصوت واصل من وراي ..وشفت فصول اخوي الصغير ماسك موبايلي ويايبه لي ..
خذته عنـه وبســته على خده وقلت : فدييييييييت هالويـــــه " وعضيته على خده وقاام يصيح ...ضحكت ..هااذي حالتي ويا اخوي فيصل .. رديت ع التلفون وكانت توأم روحي ..رديت عليها : هــــــــلااااااااا بنوارة حيــاااتي ..
نوره : هــــلااا عوااااش .. شلوووونج ؟
عوش : بخير داامني اسمع صووتج ..انتي شلوووونج ؟ اخبااااارج ؟
نوره : بخير اسأل عنج .. وينج قااطعـه ..وبعد الله يعيــنا هاذي آخر سنـه..شكلج بتخلصيـن جامعه وبتقطعيـن خير شر ..
عوش : هههههه ...شدعووووه ..مو لهدرجه انا قااطعه ..بس انتوا تبوون انا اللي اتصل لكم ..وانتوا ماتتصلوون ..
نوره : ماعليــناا .. ابي اجي بيتكم ..
عوش : حيــــااااااج ..البيت بيـتج ..واذا ماشالج البيت تشيلج عيوونــاا ..
نوره : هههه تسلميـن حيــاااتي .. بمرج جي ع العصـر .. اوكي ؟
عوش : اوكي حياااااااج ..
نوره : عيل يلاااا باااي ..
سكرت التلفوون ورحت المطبخ شفت الخدامه مسوويه الغدا مجبوس ديااي ..ياااااااااااااااي ..تعرفوون شكثـر احب هالاكلــه .. رحت خذت لي شوي في صحن اصبر رووحي .. دخل علي فيصل وانا آكـل ..
فصول : ليث تاكليـن .؟
قلت له : والله يوعاانه ..
فصول: ندلي بدوي وألوي .." نطري بطوي وعلوي "
عوش : بااكل بس شووي ..لااا تقول حق حد ..مااني نااقصه حشرتهم .." خلصت الصحن الي حطيت لي منه شووي ..ورحت الصاله شفت منور قاعده ..كنت بسألها بس تذكرت شلوون نرفزتني .. حبيت اتأكد اذا كانت منور متهاوشه ويا عمر ولد عمي ولا لا ..
عوش : مهوورتي ..عمر اتصل على البيت ..وقال يبيـج ع التلفوون ..دقيـتي عليه تشوفيـن شنو يبي ؟
طالعتني منور بسرعه والشرار يطااير من عيوونها ..كنت بضحك على شكلها بس كتمت ضحكـتي والتفت على مهره الي تشووفـني ومستغربه ..
مهره : غريبه عمر يتصل يبيني انا ؟!!
عوش : اي ..وقال ابيـــهاااااااا ضروووووووووووووووووووووري ..
منور قامت وهي مصبـــــــــــه ..وحسيـــتها فوووولـــــت ع الآخــــر .. وراحت غرفتها ...وانا مت من الضحك على شكلها .,..
شوي ودخل علينـا بطي وعلي ..
بطي وعلي : السلام عليكم ..
انا ومهره : وعليكم السلاااااااام ..
صرخت بأعلى صوتي : كومـــــااااااااااااري ..كومــــاري حطــــي الغداااااااا ..
علي : وهلي شووي ..خلنـا نروح نبدل وناخذ شوور ..
عوش : لااااااااا ..تبووني انطر لين ماتااخذوون شور وتبدلوون ..والله مانطرت ..تبوون تعالوا اكلوا ..ماتبووووون ماقدر انا اصبر اكثـــر ..
علي : ههههههههههه ..عمري ماشفت وحده تمووووت ع الاكل كثرج ..
وانا رايحه صوب المطبخ علشان اترس هالبطـن الي ماينترس : وانا عمـري ماشفت واحد يمووووت ع المغاازل كثــــرك .."ورحت اركض المطبخ علشان مايفلعني بشي ..قعدت آكـل وشوي وجوا علي وبطي وفيصل ومهره ..اما منيره مادري ليـش ماجات ,..اكيد ليـن الحين متضاايقـه .. يـلاا الله يعينها على حبيب قلبها عمـر الي مايعطيها ويـه ..ههههه ..
واحنـا ناكل رن جوالي الي كان في مخبااي ..طلعته وكانت " توأم روحي "
رديت وقلت : هـــلاا والله بالي تشــم ريحـه الاكــل وتتصـــل ...
نوره : ههههههههههههههههههه
عوش : وانا كل حزه اكل اتصلتي لي ..خير شعندج ترااني مو فااضيـه ..
نوره : هههههههه ..زين زين ..حشرتيـني ..بس كنت بقول لج مو ياايه لج اليوم ..سووري
عوش : افااااااااااا ...النووووووووري ليـــش ؟
نوره : والله اخوي سلطان عازمني ع العشـا ..
عوش : اووه اووه شعنده الحبيب ؟
نوره : هههههههه ..لااا عيووني اخوي سليطين طول عمره حبوب ويموت فيني وعمره ماقصـر علي بشي ..
عوش : لااااا يالواااااثق ..
نوره : هههههههههه ..اذا مو مصدقتنـي كلميـه وهو بيثبت لج حبه لي ..
وقلت بمرح وعبط : اي مو مشكلـه ..
وشوي واسمع صوت خشـن رجولـي : هـلاا عاشـه ..
وانقبض قلبـي وشرقت بلقمـــتي وسكرت التلفون على طول ..
بطي : قصـه قصــه ..ههههههههههه ..
وانا اكح : مالت ع كح عليك يالرزيـل ..كح كح ..سوو خير وعطوني كح كح ماي
علي وهو فاطس من الضحك علي ..صب ماي ومده لي ..شربته وحسيت انه الروح ردت لي ..
قمت من السفره ونفسي مسدوده عن الاكل وهذا لأول مره ..رحت غرفتي وانا افكـر في نوره ..دومهاا تلمح لي عن اخوها سلطان ..وتمدحه لي..انا عارفه حركـاتها وشنو مقصدها ..بس خـلاااص انا عفت الزوااج وسيرته ..من يوم ماتركت هالشيـن وانا عمري مافكرت بالزوااج ..واي واحد يجي يطلبني من اخوي او ابوي ..ارده ..لاني خلاااص عاارفه طبع الرجاجيل ..كلهم من طيـنه وحده ..كلهم جذابيـن ..كلهم منافقيـن ..كلهم خاينيـن ..انا كنت متزوجه ولد رفيج ابوي .. حبيـته من يوم ملجتنـا ..كان طيب وحبوب ..ورمنسـي حيــل ..حبيـته بجنوووون .. لكـن عمري ماراح انسى الي سواه فيـني ..
..
نرجع لـ سنـه ورى ..
..
طلال لاوي علي : حيـااتي لاا تصيحيـن دمووعج غاليه علي ..
انا ودموعي على خدي مثل السيل : حبيبي انت بتسـافر شهــر ..تعرف شنو شهـر ..ماقدر استحمـــل ..بموووت من دوونـك ..
طلال : جعل يومي قبل يومج ياقلـبي ..
وانا ابتعد عنـه : حبيبي خلـص شغلك بسـرعه ..والله اني ماستغني عنك ..
طلال : هههههه ..لهالدرجه .. ؟
وانا من قهره من بروده ..ضربته بخفيف على كتفه : لاا تستهزء في رووحك ..انت حياااتي الي ماقدر اعيـش من دونهـاا ..
طلال لوى علي مره ثانيه وهو يبوسني : ياعمـــــــــــري ..لااا تخليــــني اهون وابســــط عندج الحيــــــن ..
وانا اضحك : ههههه ..لااا بعديـن ابوك يدبغ ببطـني ..
طلال : مااعـااش من يلمـس شعره منـج ..
وخر عني ومسك يدي وقعدني على الكرسي وهو قعد مجابلني ومسك يدي وباسها : عيــووني ..تامريـني بشـي ..
دمعـت عيووني : انتبه لنفسك ..وهالله هالله في الاتصـالات ..تراني مابناام الا وانا اسمع صوتك ..
طلال يبوسني على راسي : تامـــــــريـن ..وانا ما يغمض لي جفـن بدون ماسمع صوتج ..
طلـع طـلااال من الغرفه ومن البيت ..
..
انسدحت ع السريـر اصيــح بحسـره ..ضيعـت عمري وزهر شبـابي على واحد مايستااهلني ولا يستاهل ظفري ..واحد **** انـااني ..ماهمه ألا نفسه والفلـووس ..الله ياخذ الفلووس الي تغير النفووس ..
..
نرجع لـ ورى شوي ..
..
طلال : يـلاا قلبي ..انا رايح حالول " جزيره في قطر " ..تامريـني بشي ؟
حضنته وانا مابيه يروح عني : حبيبي لااا تروح عنـي ..
طلال يمسح على شعري : حيـاتي انا لازم اروح ولا عمره راتبي ماراح يرتفع ..
قمت عنـه و قلت : مو لازم تتعب عمرك وتتعبني في بعدك ..حلالي حلالك يابعد طوايف اهلي ..
طلال : لااا حيـاتي فلوسج وحلااالج انا ماقدر ازخهم ..
قمت عنـه ورحت للتسريحه وكتبت له شيك بـ 50,000 ريال ..ومديته له ..
: حبيبي انا مالي بهالدنيـا سواالك .. وقلت لك حلالي حلالك ..
قال بتصنع عزة النفس : لاااااااا والف لاااا ..مستحيـل آخذ ريـال واحد منج ..انا رجال البيت وانا الي بصرف عليـه ..
ضميـته وانا اقول : حبيبي انا ماستحمل بعـدك ..واشتر راحتك حيـاتي ..وانا هالفلووس ماتهمــــني ..خذهاا ..الخــــير كثيـر والله .. ( وحطيت الشيك في جيبـه ..ومثل علي دور الرجال المفتشل ..)
طلال باس خدي : حيـاتي انا رايح اعتذر لهم ..جهزي روحج انا رايح بسرعه وجايج ( وعمز لي .. وتلوون ويهي ورحت اركـض الغرفه ..
جهـزت الغرفه ..وماخليـت شمعه في البيـت ماحطيتها ..خليت ضوء خفيف بس في الغرفه ..ونثرت ورد جوري الي اموت فيه ع السرير .. ولبسـت قميـص نوم وردي يوصل لـ الركب .. وقعدت انطـر طلال .. مرت ساعه وهو ماجا ..اتصلت لـه جواله مغلـق ..خفـت واايـد ..ومرت ساعه وساعتيـن ..وطلااال لين الحيـن ماجا ..وانا حرقت تلفوونه من كثر ماتصل ..بس كله مغلق .. وقعدت اصيـــح ..وشوي ويرن التلفون رديت بسرعه : الو طلال ؟
الطرف الثاني : الو ..انا ظابط الشرطه .. اختي انتي عائشه جاسم ؟
عوش : اي ..من؟ شفيـه طلال ؟ وينـه فيه ؟
الطرف الثاني : ..طلال سوى حادث .. وهو في المستشفى الحيـن ..
دارت فيـني الدنـيـا واسوودت في ويهي ..طـــلااال ..حبيب روحي .. سوى حادث ..؟ بسرعه بدلت ولبست بعبايتي وشيلتي وركضت للسيـاره وركبت ووصلني الدريول لـ المستشفى ..ركضت مثل المينونـه ..وصلت عند الاستقبال وسألتهم عنه ..وقالوا انه في قسم العنـايه الفائقـه ..
ماقدرت اصدق الي يقولونــه ..ريوولي ماشالتـني ..بس غصبـن علي رحت وانا احااول اسرع ابي اوصل بسرعه .. وصلت عند الغرفه وشفت الدكتـور توه طالع من الغرفه ..رحت له اركـض : دكتــــور طمـــــــــني ..؟
الدكتـور ووجهه مايبشر بخير : والله حالـته صعبـه .. بس اذا عدت 24 ساعه بسـلاام بيكون عدى مرحلـه الخطـر ..
طحت ع الارض وانا ميـــته من الصيـااح ..لاااااااا طـــــلااال لااا تروح عنـي ..كل شي ولا بعااادك ..اموت واحيا بك ياطلال ..لااا تروح ..
شوي ووصلـت عندي حرمـه وكان وفي حظنها طفلين ..بنت وولد ..وكانت تصيح ..
رفعت راسي اطالعها وكأني اقول لها شنو ؟
قالت لي الحرمه : انتي حرمـه طـلال ؟ انتي عائشه ؟
هزيت راسي بالاجابه وسألتها : وانتي من ؟
بكل برود قالت وعيونها كلها دموع :انا حرمـــته الثـانيه ..مها ..
صدمــــــتني .. انجلـــطت في مكــــــاااني ..ماقدرت استحمـل ورحت في عــاالم ..مااعرفـه عالم اسوود ..مااافيه غير كواابيـس ..واشبــااااح ..
توفى طلال بعد خمس ساعات ..وترملت انا ومرته الثانيه .. وانا صادني انهيـار عصبـي .. ماقدرت استحمـل لاا خبر موتـه ..ولا خبر زواجـه علي..وطلع هو متزوج علي مو حـبن فيني ..لااا حبـن في فلووسي وحلالي ..
قطع علي تفكيـري صوت فصول اخوي ..
فيصل من ورى الباب : عووث ..عووث عمي وعموه تحت ..
مسحت دموعي بسرعه : زين حبيبي ..يايه ..
رحت غسلت وجهي بسرعه وحطيت لي بودره وكحل وقلوس ولبسـت لي جلابيـه تركوااز ..وفتحت شعري وحطيت لي بتر فلاي تركواز ..ولبست حلق تركواز ..ولبست شبشب ابيـض وعليه فصوص تركواز .. ونزلـت تحت ..
هند تصـفر : وووووووووووووه ..شنو هالقمـــــــر الي نــــزل ..
عاد انا ماصدقت خبـر ..قعدت ادلع بشعـري واسوي حركات بعيووني واراامـش ..
نعيمه : ههههههههه بس ماصدقت خبـــــــر ..
ضحكت : لاني واااثقـــه حيـااتي ..
ونزلت اسلم على عمـتي خلود ومرت عمي فضيله ومرت عمي الثانيه شيخه وبعدين رحت سلمت ع البنـات
ثاجبه : احلـى ياااعسـل .. شعندج اليوم محلووه ..
قلت بغرور : اصلا انا طول عمري حلوه ..قمـر فديـتني ..
منيره : بس عااد جهزت عائشه بنت جاسم للخقــه ..
قعدت ع الكرسي وحطيت ريل على ريل وبطريقه تقهر منور قلت : دام امي شريفه وابوي جاسم ..ليش ماتخقق ؟
هند : اقوووووول اكرميـــــنا بسكـــااتج لااا اجي وادووووس ببطنــــج ..
مياسه : ههههههه ..عوش اقول قبي ..ترااهاا عند كلمتها ..وانتي ماراح تيووزيـن عن الخقه ..
قلت : ههههههه .. بدووس ببطني بدووس ببطنها ..
هند وقفت وشمرت ..هي بروحها مشمره من قبل بس شمرت اكثر وقالت : تبيـن تعرفيـــن من بيدوووس ببطن الثاني اول ؟
وجاتني يبلفيت بتضربني ..واقووم اركــض برع وارووح صوب المطبخ وانا ميـته من الضحك عليـهااا..وسكرت الباب الزجاجي مال المطبخ وقعدت اسوي لها حركاات وانا داخل المطبخ ..واسمعها تقول ..
هند : والله لا ااراويـــج ..مارااح تقعدين في المطبخ طوووول عمــــرج ..
سفهت لها علشان تروح ودخلت المطبخ وشفته فااضي ..قلت بسوي سويت لهم ..على الاقل ترضى علي هنوده وماتضربني لانها تمووت على السويت ..
هنوده بنت عمي محمد .. اكبر عيالهم " حسن 29 ولين الحين ماتزوج وبعدين عمر 25 سنـه ..بدوي اصل ..وهو منور اختي تعشقه .هو ماعطها بولباس هههه يعجبني ..وبعدين تركي 20 ..وبعدين هند 18 ..عمرها ماعترفت بأنوثتها تقهررررررني ..
وعايله عمي سالم ..اكبر عياله " خالد 24 سنـه ..نجود 23 ..هاديه وولاا عمراه قعدت ويانا ..طبعها ماتحب قعداتنـا .. بندر 22 سنـه ..اوف هذا الي يقهرني ..ثلاث مرات خاطبني وانا ارفضه ..والاخ مصمم ..خله يولي .وبعده حبيبه قلبي ثاجبه ..بس نقول لها ثجوب .. "
وعايله عمتي ..بس بنتها الوحيده المياسه 20 سنـه ..هبلــه مووت ..مثلي هههه .. "
حطيت الجلكسي ع البخار علشان يذووب واكتـه ع الكيكه الي سويتها ..قعدت انطر ..التفت وراي وانصدمت بشخـص كان واقف ويطالعنـي ..شهقـــت وطااحت الملعقه الي كانت بيدي ..حسيت بـه توتر ونزل راسه بسرعه ..رحت اركض بطلع من المطبخ وقعدت ادفع في الباب وادفع ومايفتح دمعت عيني ..قلت له : بطــــــــــل البـــــــــاااااااااااااب ..
ابتسم وراح سحب الباب وماكلفت نفسي اشوفه رحت اركض فوووق غرفتي ... قفلت الباب وتسندت عليـه ..آآآه ..يهبــــل ..شكلـه عذااااااااااب ..انا بس نظره شفـته شلوون كان يشووفنـي ..يااربي بستخف ..كان متسند على حد الثلاجـه وريل نازله والثانيه مرفوعه وماسك كوب مـاي ويشرب ..آآه .عيووونـه تهبــل ناااااعســااات وشعره طويل متناثر على ويهه ..صج مايمديـني اقزه ..بس ويهه ماينسـي .. وقطع علي تفكيـر او بالاصح احلااامي الورديـه صوت طق الباب ..نقزت وقلت بصوت عالي: مــــــــــــن ؟
ثجوب من ورى الباب : خيبــــــــه .. مو صوووت عليــج ..اظن الي في الشارع الثاني سمعووواا ..
طلعت من الغرفه : صلي ع النبـي ..
ثجوب : الف الصلاة والسلام عليه .. اقول نزلي تحت ..كيكتج بتحترق ..نشم ريحتها واحنـا في الصاله ..
شهقت ونزلت اركـــــــــض .. ويوم وصلت عند الباب طليـــت شوي شوي ..قلت يمكن يكوون موجود واقزه وهو مو منتبهه ..بس للأسـف محد ..دخلت وطلعت الكيكه وكانت شووووي محترقه .. بس لااا تلووموني ..كله منـــه .. آآه محلااااااااه .. خذت الجلكسي الذاايب وكتيتـه ع الكيكه وقعدت ازينـها بالبندق لانـه كان جلكسي ذايب بالبندق ..وخذت قطع جلكسي من الثلاجـه وحطيتها بشكـل حلووو ..ويوم خلصت شفت علي وراي ..
علي : يمي يمي .. اكيـــــــد لــــــــي ..
قلت له وانا رايحه : لااا يااحبيـــــــب امك ..حق الحريـــم ..
علي يلحقنـي ويسد عني الطريج : فديييييييييييييت اختي ..
التفت عليه : حبيبي علوي لااا تقعد تقردنـي ..ترى ماينفع وياي ..
علي : افااااااااااااا .. اهووووون عليـــج ..
بصراحه كسر خااطري ..لانه الكيكه تشهي قلت وانا افكر : امممم .. بعطيك ايااهاا .. بس بشــــــــرط ..
علي : آآآآآآآآآآآآآآمـــــــــــــــــــــــــري ..
مديت يدي الثانيه : يدك على الفيــــــــــــــن ..
علي شهق : وشلـــــــــــه ؟
عطيـــــته ظهري : عيــــل توكـــــل ماعندنــا شي لك ..
علي بسرعه : لاا لاا لاا لاا .. خـــلاااص .. " وفتح بوكـه وطل لي الفيـن وجان امطهم من يده واعطيـه الكيكـه ..بسته على خده : امووووت فيك يوم تصير كريم .. شهق علي ..وقال : يعني انا موووو كـــــــــــــريم ..
فطست من الضحك على شكله وقلت بسرعه قبل لا يصبغ ويهي بالكيكه الي بيده : افااا ..انت منبــــع الكرم .. بس لااا تنســــى اي حد يقول لك الكيكه حلوه ..قول اختي حبيبه قلبي عواشه مسوويــــته ..اووكي ؟
علي وهو رايح الميلس : ههههه ..اوووكي ..
طلعت من المطبخ وقعدت ويااالبنــات وقعدنـا نسوولـف ونضحك ..وقطـع علينــــا كـلاامنـا ..دخلـــت شخـــــص من البـــــاب ..
.....: الســــــــــــــلاااااااااااام عليــــــــــــــــكم ..

--- ---
ها منو برايكم دخل ؟؟ ؟؟
وشو رايكم بالجزء الاول للحين ؟؟
وتبون الجزء الي بعده والا لا ؟؟

.. مع تحيات ... اختكم ..همووووووسة :ast7eee: