|
حكمة وحنكة شايب ... على كيفك .... بيتر السروات ,,,, السلام عليكم ورحمة الله وبركاته تحية شوق ومحبه الى جميع اخواني كتاب الخيمة والسوالف الشعبية يقول ......... قبل اربعين سنه يقل او يزيد كان هناك شايب يعيش في القرية هو اسرته المكونة من زوجته و ثلاث بنات .. ولم يكن له اي مصدر للرزق الا مزرعه بسيطة جدا لا تكفي الحاجة ... وفي يوم من الايام اتاه رجلين من جماعته ... قالوا يا ابو فلانه عندنا لك عريس للبنت الكبيره ..واعتقد ان العريس من قريتهم او من قرى حولهم ... ولكن الرجلين اتوه خاطبين لصديق لهم من مدينة بعيده ...وليس من جماعتهم .... وفي البداية رفض الشايب فكرة هذا الزواج ... ولكن مدح الرجلين للعريس وكذلك حالته المادية الممتازة واستعداد العريس بان يدفع مهر محترم ويلبي جميع شروط الشايب .. اغراه بالموافقة لان الشايب عليه ديون كثيرة وهذا الزواج سوف يساعده على قضاء الديون واصلاح ارضه ...عندها عرض الامر على ابنته ولم يجبرها ولكنه شرح لها ضروفه ... وافقت المسكينة ارضاء لوالدها ...عند حضور العريس سال الشايب العريس وين محلكم فال العريس قريب جدا من المدينة حذفة عصا ... قال الشايب على خيرة الله و اشترط الشايب مبلغ كبير للمهر ووافق العريس ... وتم العرس ... واخذ العريس زوجته وسافر بها الى مدينته ... ولكن كانت المفاجاه للعروس ..قبل تصل الى المدينة الموعودة باكثر من ميتين كيلوا انحرف زوجها بالسيارة ..ودخل الى الصحراء وطعس يشيلهم وطعس يحدهم ... حتى وصل الى بيوت الشعر والحلال .... اصيبة البنت بصدمه وقالت لزوجها هذا بيتناوهي تخفي الم عظيم في نفسها .... قال نعم حياك الله في بيتك .. انزلي سلمي على اهلي .....وبعد اربعة اشهر او اكثر .... قرر الزوج الذهاب الى المدينة لشراء اغراض وخلافه ... فترجته زوجته بالذهاب معه لكي تتصل تسلم على اهلها وتشتري بعض حاجيات النساء ...وبالفعل ذهب الزوجان .. وتخبرون اول لا يوجد الا كباين الهلل للاتصال ...صرف الزوج هلل لزوجته واعطاها وذهب هو لشراء حاجاته ... اتصلت العروس على بيت احد جيرانهم وكان وقته قليل من تجد لديه خدمة الهاتف وتتم عن طريق السنترال ...وبعد انتظر استدعوا الجيران والدها واول ما سمعت صوت والدها وهو سمع صوتها انهمرت الدموع من الطرفين ..عندها قال البنت لابوها ((سود الله وجه العدو يا ابوي )) وشرحت له معاناتها وانها تعيش في صحراء وحياة جهد وتعب وحلال ورعي ومشقه ...اغلق الوالد الهاتف بعد ان طلب منها العوده مع زوجها وان تصبر وتنتظر الفرج ووعدها بزيارتها ...عاد الوالد الى الرجلين الذين اتي بالعريس ولامهم كيف يقولون انه من اهل المدينه وانه يسكن فيها.. وهو في الصحراء ويقول انتم وهقتوني انا وبنتي ......ولكنهم حلفوا له انهم لم يكونوا يعلمون ...بعد اسبوعين او ثلاثة تقريبا سافر الشايب الى بنته وعندما وصل المدينه اخبروه ان المنطقة التي يقصدها تبعد حول ميتان كيلوا عن المدينه وبعد جهد وصل الى ديرة نسيبه .... استقبله نسيبه بالحفاوة والكرم وقام بواجبه ... وبعد يومين قال الشايب لنسيبه ودنا تسمح للبنت تسافر معي والدتها مريضه واخواتها مشتاقين لها اسبوعين او اكثر وتجي تاخذها او انا اردها لك .... قال الزوج ما فيه مانع يا عم ... عاد الشايب ببنته الى قريتهم وبعد اسبوعين اتصل الزوج على الجيران لكي يكلم زوجته ولكن لم ترد عليه ..وبعدها اتصل على عمه ولكن عمه اخبره ان البنت بتتاخر شوي واذا ودك تاخذها تعال بعد اسبوع .. الشايب الان يخطط كيف يتخلص من هذا الزوج وهو في حيرة من امره لا يستطيع رد مهره واخذ ابنته فقد صرف المبلغ على ديونه وزواجها ... والرجل سوف يطالب بحلاله لكي يطلقها ..والبنت حالفه يمين او المووووت ما ترد لزوجها وهي لا تعيب فيه شي ولكن عيشتهم جهد وتعب وهي ابنت قرية لاتتحمل ... اتفق الشايب مع الرجلين من جماعته ان نسيبه جاي بياخذ البنت وانا ما راح ارجعها له .. وطلب منهم بعد زيارة نسيبه له اليوم الثاني كل واحد منهم يرسل حمار الله يكرمكم مع واحد من اولاده ..ويرسلون حمير اكرمك الله قدر ما يقدرون ..وصل النسيب وعشاه الشايب واكرمه وبشره بخير وقاله تجلسون يومين عندنا وبعدها تاخذ اهلك وتتوكل على الله ... طبعا البنت ما طلعت لزوجها واعتذروا نها مسخنه ... وعندها حريم ..اليوم الثاني بعد صلاة الفجر جلس الشايب يقهوي نسيبه في الحوش ... وبعد لحظات جاه هاك الولد مع حمار اكرمك الله ..وسلم الولد على الشايب وقال هذا الي وصاك ابوي عليه قال الشايب زين زين اربطه عندك في الشجره وبعد عشردقايق واذا بولد اخر دخل بحمار ثاني اكرمك الله قال نفس الكلام .. والشايب يرد عليه ابشروا اربط جنب خويه المهم تجمع خمس الى ستة حمير اعزكم الله والنسيب يراقب.. التفت النسيب الى الشايب وقال وش هالحمير يا عم.. قال الشايب قال شغلتنا يا ولدي نعالجها ونحنيها ونولدها وننظفها لاصحابها .. .. انقلب وجه النسيب الى اللون العنابي من الغضب وتمالك نفسه واستاذن وخرج من البيت ... وتوجه الى الرجلين الي دلوه على العروس وقال انا طلبت تدلون على عروس ... ودليتوني على وحدة ابوها يعالج ويولد حمير ..ولامهم .. قالوا انت ما سالتنا وش عمل ابوها . قال مثل ما وهقتوني طلعوني من هذا الزواج ... قالوا الامر هين نمر على المحكمه .. الان طلق وعطنا ورقتها وحنا نوصلها لابوها ونتحمل زعله وهواشه ... مروا على المحكمه طلق الرجل وكان طيب الخلق ارسل مبلغ للعروس من باب تتطيب الخاطر .....بعدها رجع الرجلين الى الشايب الحكيم وبشروه بورقة الطلاق .. قال الشايب الله لا يبشركم بخير ... خذوا حميركم من الحوش ازعجتنا ولا عاد اشوف وجيهكم :d... واستطاع الشايب الخروج باقل الاضرار . ....اعتذر عن الاطاله ... وصل الله وسلم على سيدنا محمد وعلى اله وصحبه اجمعيا تمت .... ،،،،، |
| الساعة الآن 12:27 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir