قربعة بالسيارة من ورا ورجه بالمرتبة والدركسون - سوناتا 2014 -
 

السلام عليكم ورحمة الله وبركاته

اليوم غيرت كفراتي و مع التغيير رصصت الكفرات
بس للاسف ما تهنيت بالكفرات الجدد

المشكلة ان الدركسون فيه رجه و مرتبة السواق مثل
الرجه كانت موجودة من قبل اغير الكفرات لكن كانت اخف من كذا وعلى بالي انها من الكفرات يبي لها ترصيص فقلت خلها لا غيرت الكفرات رصصت
بعد ما غيرت ورصصت نفس المشكلة موجودة واقوى من قبل

بالاضافة الا انه به صوت طقطقة ورى بالسيارة ما قدرت احدد من وين بالضبط احيانا كأني اسمعه من عند الكفر الخلفي يسار و احيانا كأني اسمعه من السقف - السقف بانوراما -
طبعا مثل وضع الرجة , بعد ما غيرت الكفرات صارت الطقطقة اقوى وما يطلع الصوت الا اذا مشيت على عيون قطط او مطبات

ما ادري من وين المشكلة بالضبط ؟
حاليا جدولي منضغط حاليا الى نهاية الاختبارات ولا اقدر اروح للورشات واشوف وش المشكلة و الموتر برضو محتاجها فما اقدر اخليها عندهم