الفن " أضيف الفيتن قافها غير ، عقاب التميمي الفن " أضيف الفيتن قافها غير فبيات شعر وكل بيت ابمحله والباء " بحور الشعر بدعن وتصوير من يسمعه لو مادركه مايمله والتاء " تمجد ذكرك اليوم بالخير ان كنت للمحتاج فالعسر ضله والثاء " ثمر زرعك لياء راح للغير فالفقر بين الناس يغير محله والجاء " جفاك لمن يودك مخاسير حاول على ماقيل فالعقد حله والحاء " حريبك معه خل المعاذير في كل شي اتهون غير المذله والخاء " خويك لو يجي منه تقصير لاتقطع الصحبه على شان زله والدا " دواك ان طشت خلف الغنادير حاول تناساء الحب حتاء تمله والذا " ذلولك لو تطول المشاوير الدرب لوهو عسر حذراء تزله والرا " ردي الشور لك لو يباء ايشير لاتاخذ بشورن على غير مله والزا " زلال الجم لو ينشف البير لابد مالعساس يذكر محله والساء " سليم النفس يرضاء المقادير لـو تبطـي الايام لـه مستعله والشاء " شحيح المد لو قال توفير يبقاء البخيل بطبعه اليوم عله والصا " صلاتك فوق لوحك مسامير لاجاء نهارن ينسي الخل خله والضا " ضلام القبر ماهو بصاطير شوف الذي مات ومحله تحله والطا " طويل العمر مازاد تاخير العمر عد انفاس ربي جعله والظا " ظرير العين فالخطوه ايسير يالي تشوف وخالقك ماتدله والعا " عفيف النفس لو جاه تصغير اكرم من اشناب الوجيه المضله والغا " غلـو الدين عنه المحاذير للـي بوجه الجاهلين استغله والفا " فعول الخير للخير اتصير ولا الردي فعل الرداء يستدله والقا " قليل الحض ريشن على طير ادنات ماينتف له الريش كله والكا " كفنك ان مت من فاعل الخير وش ترجي ابدنياك شين تصله واللا " لذيذ ايام دنياك تخدير لابـد ما تفناء بدقـه وجله والما " ممات العبد مافي تزوير بعد الممات ابعيشتن مستقله والنا " نعيم الخلد باقي ولاغير للعابد الي له على الدين مله والها " هواء نفسك لازت المعايير يزيد فالنفس لرغدهاء جبله والوا " وردنا العد قدم الطوابير في ساعة الهوش اللقاء مانمله واليا " يدور الوقت يالله عساء خير ودور الليالي مثل زرق الاخله |
الساعة الآن 12:46 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir