|
مشكلة هيدروليك السلام عليكم ورحمة الله وبركاته , ارجو ان تكونوا بخير وكل عام وانتم بخير سأحاول شرح المشكله التي حدثت معي تفصيلا فأرجو المعذره برادو 2006 الفئه الثالثه من اربعة ايام وانا في الطريق احسست ان الموتر يناقز , المطبات تهز الموتر هز وقفت .. اطالع .. لقيت الموتر نازل بشكل غريب من الخلف ,, حاولت ارفع الموتر بزر الهاي .. الزر ما يستجيب لا هاي ولا لو ,, طفيت الموتر وشغلته ثم ضغطت الزر وارتفع الموتر ومشى الحال ووصلت مشواري ... بعدها بساعتين شغلت ومشيت .. الوضع طبيعي ... وصلت لمنطقة مطبات وحفر .. بعد ما تعديتها الا والموتر يناقز مثل اول .. وسويت نفس اللي سويته طفيت وشغلت ورفعت ... ثاني يوم الصبح شغلت ... مشيت الوضع طبيعي .. شوي الا بدأ يناقز ... واعدت الكره ... امس الموتر زي الحلاوه مافيه شي الين اليوم الصبح ... شغلت مشيت الوضع طبيعي شوي الا بدأ يناقز وقفت طفيت شغلت اضغط الزر ابيه يرتفع .. ماعنك احد .. حاولت وحاولت ولا فيه فايده .. شغلت المكيف وارقد ساعه ... قمت الا هو مرتفع واموره زينه ... من نفسه ولا سويت ولا شي دزيت الصناعيه رحت لكذا ورشه اللي يقول بالون واللي يقول مافيه شي قلت في نفسي خلني اعفسه واجيبه لهم ... ورحت في الحواري اللي غرب الصناعيه ومافيه مطب الا رقيته بعنف الين ما طاح الموتر ... ودرت على الورش اللي يقول بالون واللي يقول كهرب المهم رجعت ... ومن وقتها الى الان الموتر نازل ولا هو راضي يرتفع ... وازرار الهيدروليك لا تستجيب .. والمطبات على كيف كيفك .. وعاد لا مسكت فرامل تحس كأنك راكب سفينه بتغرق .. رحت كم مشوار اليوم حسيت كني راكب اكسنت .. صرت مؤدب اهدي مع المطبات ولا اقرب الرصيف ... ملل وش رايكم ؟؟؟؟ |
| الساعة الآن 10:40 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir