منتدى استراحات زايد - قصيده للشاعر / احمد سعد الشريف

هذي القصيده بمناسبة شراء اخوي جيب شاص
اقول:
مـبـروك ثم مـبـروك يـاراعـي الـشـاص
يــاجـعـل مـركـوب الـهـنـاء والـسـلامـه

مبروك مـادن الـعـراقـي مـن رصـاص
رشــاش صـدر بـالــخــتـم والــعـلامـه

مــوتــر لـمنهـو عـاشـق الـبـر قـنـاص
مـركـب شـيـوخ الـقـوم وأهل الـزعـامـه

وقـفـتـه عـنـدي عـز مـاهـو بـمـنـقـاص
مـابـه مـن الـعــذروب كــود الـفـخـامـه

الشاص ماصمم لأجل كل الاشخاص
صـمـم خـصـوصا للـرجـال النـشـامـه

لـو يـزعـل الجـمهـور مـاقـولهـا خـاص
شــاعــر عــن الـنــقــاد ثـمــن كـلامـه

تـسـاهـلـه وانـتــا ولــد قـرم مـاحـاص
وقــت الـشـدايـد عـــز مـنهـوا حـزامـه

ابـو احمد المـطـنوخ فـالمـرجـلـه غـاص
جـامع وصـوف الطـيب عـالـي مـقـامه

وخـتـامـهـا مبـروك يـاراعـي الـشـاص
يـاجـعــل مـركـوب الـهـنـاء والـسـلامـه

القصيده اهداء لـ/ عبدالله سعد ال زيد
الشاعر / أحمد سعد ال زيد