نصيحه للصقاقير انا عضو جديد هذي القصيده قالها اخوي يوم نويت انقل الطير واهدي هذه النصيحه لكل صقار يا بدر كانك ناويٍ نقلة الطير =وعندك على المقناص صبر وجلاده انحش عن اللي قلبوها الصقاقير= نفوة طيور ما وراها استفاده لو قال لك راعيه ما به ولا طير= في مستوى طيره بطلع وركاده اعرض عنه يا بدر من دون تفكير= وخل القرادي يبتلش في قراده منته بملزوم بوقت المعابير= ينشب بحلقك مثل شوك الكداده الناس ما تعطيك من صافي البير= الكذب صار اليوم للناس عاده ولا تصدق اللي فيه لفه وتدوير= لو أن في سيماه وسم العباده ولا عم انا كل الرجال المناعير= فيهم زحولٍ تستحق الاشاده ون كنت صامل يا صبي المخاسير= عليك فالطيب توسق اشداده عليك في خطو الفروخ المغاتير= ولا وحش يادوب فكوا مهاده يشفيك لاجا للمنافس جماهير= وراع المعاند رز بيرق عناده يلحق خريش ملوعات المعاشير= لا روحت فالغيم كبر الجراده وأبعد عن التفريخ وأبعد عن الجير= وأعرض عن التهجين خذها شهاده للشاعر/ محمد بن خالد المطيري |
الساعة الآن 05:25 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir