منتدى استراحات زايد - رحلة الغرض منها الهجوم والأنقضاض على الأحمر (الناجل والطراد)

بسم الله الرحمن الرحيم

مشرفي ومراقبيوأعضاء وزوارمنتديات مكشات..

السلام عليكم ورحمة الله وبركاته

وأسعد الله جميع أوقاتكم بالخيروالمسرات

كان الأتفاق والغرض من رحلة الصيد الهجوم والأنقضاض على الأحمر (الناجل والطراد )

( ياشباب سامحوني ما عرفت أنزل الصور بيقولي الصورة حجمها اكبر من المسموح وكمان ما عرفت أنزل فيديو مقطع القرش النمري - ارشدونا عن كيفية انزال الصور بالحجم المسموح)

اقدم لكم تقريري المتواضع في أول مشاركة لي حيث انني من متابعي مكشات منذ 3 سنوات (متفرج فقط) واليوم حبيت أشاركم رحلتي يوم الخميس 2/4/2015م الموافق 13/6/1436هـ من مرسى ذهبان علما ان سلاح الحدود كان مانع دخول البحر لشدة الرياح ولكن الله راد ودخلنا البحر الساعه 9.30 مساءا بعد ما تحايلنا على مسئول التصاريح ولكن قال لنا بشرط لو زاد شدة الهوا تخرجون قلنا ماشي نخش في التفاصيل : اللعف ( حبار أبيض كبير – ساردين طازج يرصف – باغه )
أعضاء الرحلة : محدثكم ابوسليم ( عيد الزعيم ) – ابو شريف( مدحت الحمامي) – عبدالله حمودة – و قائد الرحلة والقبطان ابورامي :
توجهنا بسم الله الى الطين حيث اننا في منتصف الشهر و القمر كان مكتمل والحمد لله رزقنا بشعور كرسيت وشعور قمر وكام حبه ابو شراره وحبتين كنايه اتعملو لبايب للصيد وأنا دائما في الطين أرمي جلب كبير 120 بمصفر لهامور الطينه سناره كبيره والطعم كان راس حباره كبير..... المهم نسيت اني رامي جلب كبير وأنا قاعد أصيد في الشعور بجلب 70 مضفوط وسناره صغيره من النوع الفرنسي المجلفن مقاس 5 واللعف قطعة صغيره لبيبه كناية المهم شكت معايا سمكه والله يا أخوان اسحب فيها كأني أسحب حجر مافي أي مقاومه وسحبتها لغاية البوت باقي يمكن مترين او ثلاثة امتار عن سطح الميه وصار شيء غريب تقول توربيد اتفتح الخيط اتسحب مني بسرعه مخيفه والحق ما تلحق وأنا خد وهات مع الى في الجلب الي ما أعرف ايش يكون المهم بعد 20 دقيقه خفة مقاومة السمكه وأسحب الين فوق ايش تتصورو يكون ياساتر قرش نمري حوالي مترين الى مترين وربع كل ما يقرب من البوت ترد فيه القوه ويشغل التيربو وخد وهات وبعد ما تعب وجبناه الى البوت أخونا ابورامي القبطان عمل مشنقة للقرش وكان هنالك 3 محاولات لشنقة ولكن نحف الجلب وقف بيننا وبين شنقة وفي المحاولة الرابعه حرك القرش رأسه بقوة فنقطع الخيط لأن السنارة كانت ماسكه في طرف فمه ومع حركت رأسه قطع الخيط والحمد لله كان أكشن جميل أي نعم انا زعلت شوية ولكن تذكرت ان الرزق مقسوم مكتوب ولكن لماذا لم يأتي على الجلب الكبير واللعفه الكبيرة .....! المهم ثم رجعنا مره ثانية لصيد الشعور ثم أشرقت الشمس وتوجهنا الى القطع لصيد العيده والزرقان ندور الأحمر ( الناجل والطراد ) ولكن اللعفه كانت مزنونه ما تاكل الا في الأرض وتعبتنا لما قدرنا نحصل عليها المهم قلنا نروح السمبيات هناك طرحات معروفه فيها يتواجد بها الأحمر وفي طريقنا اليها صادفنا خضارات وفي وسطها حفرة طين على عمق 29 متر قلنا نجربها وبسم الله نزلت الجلب أنا وأويا ابو شريف ( ركزو معايا ) رميت انا بحبه زرقان ويسحب الجلب معايا شيء ثقيل وعلى الصخر وقطع لوحده ما شديت عليه ياولد ايش يكون ثم رميت الثانية بحبه عيده ويسحب وياخد اللعفه ابوك يالولد وأرمي الثالثه حبه زرقان ويسحب ويصخر وأقطع الخيط وأنا معصب ومطرطع أنا متأكد انه الأحمر وصارخت في أخونا أبو رامي لأنه بصراحه خبييييييييييييييييييييييييييييييييير في صيد الأحمر بأنواعه يا أخي ارمي جلبك قول بسم الله الحوت موجود ما يبغى يطلع معايا جرب يا أخي هاذه أرزاق وبعد تردد منه رمي حبه عيده وما تلحق تتطب الأرض الا وهو يسحب وماشاء الله حبه طرادي لا تقل عن 3 كيلو ثم بعده تشجعت ورميت حبه عيده وياولد اسحب وتيجيك حبه طرادي حوالي كيلو ونصف على فكره أخونا ابوشريف مافي الا سحب من الحوت وتصخير على طول أو يعض له اللعفه ويسيبها وأبورامي افتتح الصيد ثم لم يوفق في صيد أي شيء بعدها ثما نزلت بزرقانه وأسحب واحده طرادي بوزن 2 كيلو وبعد كده وقف الصيد ايش الموضوع طفشت وقالو الشباب خلاص نمشي بيوتنا قلت لهم مادام مروحين وراح نرمي الزرقان والعيدة (المحيا مليان زرقان وعيده ) وراح أرمي أخر رميه وشكيت حبتين زرقان في السنارة وصار الأخوان يضحكو عليه شوف الأهبل ايش يسو المهم رميت بسم الله ومافي لاحظات ويضرب شيء يطرب القلب ( ركزو معايا ) اسحب اسحب اسحب ويجيك الحلو حبه طرادي اربعة كيلو والشباب سكوت ولا نفس المهم في الموضوع اني وأنا بفك السنارة من فمها لقيت السنارة الأولى الى انقطعت في رميتي الأولى وسبحان الله ثم بعدها توكلنا على الله صارت الساعه 2 الظهر ورجعنا المرسى .