سالفه من حفر حفره لاخيه وقع فيها هذه السالفه يا اخوان كانت عام 1411 . وكان عمري وقتها حوالي 13 سنه وكنت يعني شوي احب اسوي مقالب في الاصدقاء لكي اضحك و ونضحك المهم لا اريد ان اطيل عليكم السالفه ؟ قولوا لا طول ما يهمك :d كنا في مدينه ينبع البحر . وكان الوالد يعمل في مصنع اسمنت ينبع وكان هدا المصنع يبعد عن ينبع 70 كيلوا وكان لي صديق عزيز وغالي الله يمسيه بالخير اسمه خالد . وكنا نلعب الكره مع بعض والسيكل ونصيد السمك (جلب) ونصلي مع بعض . وفي مدرسه واحده يعني مره اصدقاء . وفي يوم من الايام بعد ما صلينا العشاء ولعبنا كانت ايام الاجازه ما في مدرسه وحوالي الساعه 10 في الليل . وكانا عند ملعب كره الطائره . وصوت البحر عالي شوي وانا طبعا لي كم يوم ما سويت ولا مقلب في صاحبنا . المهم جاء نور حج عمود النور راح طافي شكلها خربت اللمبه . وانا اعرف ان صديقي هدا جلبه خفيف شوي . يعني يخاف من خياله قلت له ابي اقص عليك قصه حصلت عن جد ( عفاريت و جن ) وكدا واحده جنيه تجي كل يوم تخبط علي البيت في الليل بعدين البنت تجي تفتح الباب ما تلقي احد وتشتغرب وتدخل البيت كل يوم علي هدا الحال وبعدين في يوم جات تفتح جوم لقت ؟؟؟؟؟؟ وقلت افزعه فزعه واحده بصوت عالي واجري بعيد حتي مره يخاف . الا انت تعرفون ان النور مطفئ هده انا نسيتها شكلي كده واجيك خابط في العمود حق ملعب الطايره ( حديد طبعا يا ليته خشب ) وكمان معمول بضمير تعرفون زمان الصناعه مره حلوه واجيك عامل زي توم و جمي العمود يسوي صوت تررررتررررترر وانا وجيج طايح علي الارض وشفت الوان الدنيا السبعه ما ادري مين الي نور النور وطفاه احمر وازرق والا وصاحبي جلس يضحك علي وقال شوف هدا جزاء من حفر حفره لاخيه وقع فيها:d |
الساعة الآن 08:38 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir