منتدى استراحات زايد - حل مشكلة الطقه عند التعشيق ... تعالوا نشوف الشرح بالصور

السلام عليكم ورحمه الله وبركاته

طبعا يااخوان كانت الطقة عند التعشيق او عند يوم ارفع رجلي ( وانتم بكرامه ) عن البنزين فيه صوت طقه ... بصراحه مضايقتني ودورت حلول لكن بدون فايده التشحيم... إلخ

طبعا بالصدفه رحت ورشة اغير مصقات .... التركي ركب السياره علشان يوفقها بعد ماخلص شغله سمعت صوت الطقه وقالي عندك صوت طقه اذا عشقت .. قلت له الطقه هذي ماعرفت سببها ... قال الطقه هذي من جلده الكرونه الاماميه ... طبعا ماصدقت لانه عرف شي انا بصراحه توقعت ماله حل .... المهم انا كنت بنزل صور وشرح لها لكن لقيت موضوع نفس مشكلتي لسياره لكزس ls ولكن تماما نفس الي صار عندي وراح انزله لكم مع الصور ... طبعا ياجماعه نفس القطع الي بالصور نفسها الي جبتها .. سيارتي جيب لكزس موديل 2000

.....................

بسم الله الرحمن الرحيم

السلام عليكم ورحمة الله وبركاته

اسعد الله اوقاتكم بكل خير

حبيت اعرض لكم اليوم مشكلتي بالسيارة لكزس LS 400 موديل 95 وهي مع تعشيق القير اللي هي
الطقه المزعجه اما عند تعشيق القير بالدي او عندما يتعشق القير للثاني والعكس عند
التهدئة للوقوف , طبعا رحت لورشه وكشفت عليها على الحفره وشفت المشكله وهي بسيطه جدا ولكن لمن تروح عند ميكانيكي كويس يعرف المشكله مو يطلعلك مشكله مالها اساس من الصحه ولمن تأكدت وشفت المشكله بعيني و اللي هي جلدة الدفرنس الامامي رحت لليحيا وسألت عن الجلدة وهي عبارة عن قطعتين وبعد معاناه قدر يفهم عليّ وش ابي طبعا مع ملاحظة انتبه انتبه انتبه لا يقلك الميكانيكي لازم افك الدفرنس ( الكرونه ) لانها صارت مع وقالي واحد تركي لازم افك الدفرنس وفي الاساس شغلها بسيط جدا ما ياخذ 10 دقايق بالكثير ورحت لواحد باكستاني فاهم وسواها لي باقل من عشر دقايق

القطع المطلوبه

رقم القطعه 50100-41651 سعرها 90 ريال بعد الخصم
رقم القطعه 50030-41653 سعرها 44 ريال بعد الخصم

شغل اليد اخذ 150 ريال وفي الحقيقه ما يستاهل 50 ريال

اترككم مع الصور

http://store2.up-00.com/Sep12/JpZ02269.jpg

http://store2.up-00.com/Sep12/E7M02187.jpg

http://store2.up-00.com/Sep12/SO869152.jpg

http://store2.up-00.com/Sep12/T9P69561.jpg

http://store2.up-00.com/Sep12/PfX69704.jpg

http://store2.up-00.com/Sep12/ERn69832.jpg

اتمنى يكون الشرح والصور واضحه ولكم تحياتي

........................

معروفه هالجلده في اللكزس وياما قيور اتوضبت بسببها

وفي بعد كراسي الدفرنس الخلفيه بعد جلدتين تركب في الدفرنس اذا تقطعت تسوي دقه بالقير
وخشونه مع الممشى

................................

والله يجزاه الف خير صاحب الموضوع
منقول للأمانه