هل يوجد ورشه توزن الأنوار الاماميه بالكمبيوتر ؟؟
 

السلام عليكم

عندي لاندكروزر GXR 99
و شريت له اسطبات اماميه تجاري و الوزنيه محيوسه العالي شاطح فوق و بالواطي ياكود اشوف مترين قدامي بالخط معاناه
حاولت اوزنها بنفسي فيه ترسين خلف الشمعه واحد للعالي و واحد للواطي بس ماش ماضبطت

رحت محلات الزينه قالو لاندكروزر مانسوي له صعب دور لك ورشه فيها وزن انوار بالكمبيوتر

هل فيه ورشه بالرياض توزن الانوار بهالطريقه

او اذا فيه طريقه اقدر اوزنها بنفسي انا تعلموني عليها اكون شاكر لكم

المشكله اذا وزنتها وانا قريب من الجدار يمكن 5 متر تحس ان النور تمام

بس من يوم ارجع ورى النور يصير متجمع في نقطه وحده بالنص و نازل مع ان اللاندكروزر مافيه وزنيه يمين ويسار بس فوق وتحت لكن مدري كيف يطلع النور بنقطه وحده بالمنتصف

و نوعيه الشمعات جيده و دارجه بين الناس Depo و من شركه عريقه يعني مافيها مشاكل ان شاء الله