منتدى استراحات زايد - ابي حل لنظام ( abs) في البرادو القديم

اول مره استخدم البرادو 2009
ومن اخدته فيه صوت اذا لفيت لاخر شي ومشيت
عند الكفر الخلفي اللي عليه ثقل السياره بحيث ان الكفر يوقف ويفك
ورحت عند اكثر من واحد وبدت فلسفة كل واحد منهم
اللي يقول عندك كلشتات داخل الدفرنس لازم تغير
واللي يقول نظام البرادو القديم الدبل فيه شغال ع طول والصوت عادي
واللي يقول ذا صوت مانع الانزلاق طبيعي
واللي يقول لازم تفحص نظام الاي بي اس ولا لقيت احد يفحصه
واللي يقول لازم نفك الدفرنس اول وبعدين نشوف
واخر واحد رحت له غير لي الفحمات الخلفيه مع خرط الهوبات
وراح الصوت بنسبه 50٪
والمشكله الصوت يطلع حتى مع اصغر لفه وانا في طلوع ومهدي
وكرهت البرادو بسبة ذا الصوت
مدري ذا الصوت عادي والا فيه مشكله ولا عرفوا له
وهل فيه حل اقدر افصل نظام الاي بي اس اذا هو المشكله
لاني راعي بر
والله يرزق من بيعطيني حل لهالمشكله من حيث لا يحتسب ويسر امووره دنيا واخره
لاني صرت فار تجارب عند الورش
ومالي خبره في البرادو
واذا احد يعرف ورشه كويسه في الرياض يدلني عليه
وسلامتكم