موتري له 6 شهور من ورشه لورشه وماحد عرف وش علته((تفتفه)) يأخوان عندي ونيت فورد f350 موديله 2003 جابلي الشيب في راسي يمشيني من 10 الى 20 كيلو يتفتف ويطفي بختصرلكم القطع الي غيرتها طبعن كل ورشه يخمن الخراب وانا اقول انشالله انه هو ومع الأسف ماتظبط بدايت الخراب تقريبن بعد 100 كيلو يبدى يتفتف تقرير الفحص كمبوتر اول مره طلع عندي 3 كويلات خربانه تم تغير طقم 135 حبه x عدد 8 = 1080 ريال + تركيب 250 والمشكله هي هي كل فتره تزود بعدها غيرت صفاي بواجي ونظفت البخاخ ومازالت المشكله تزود لين صار من 10 وحولها تخيل من مخرج 9 الى مخرج 17 طفى معاي 5 مرات يتفتف ويطفي سياره وعلى طول ادق سلف ودعس ولا كأن شي صار يمشين كم كيلو ويرجع المشكله الورشه قالي اكيد مشكلته طرمبة بنزين طبعن قطع غيار السياره تباع في الوكالة فقط شريت طرمبه مع عوامه كامله = 1090 + تركيب 200 الصراحه راح تطفيه بقينا في تفتفه ويطيح عزم الموتر وخصوصاً اذا شغلت المكيف مدحولي ورشه شغال فيها سعودي وراع تعديل وحطيته الموتر عنده جلس عليه اكثر من اسبوع وفي الأخير يقول عندك مشكله في حساس الهوى شريته امس 532 جديد من الوكالة وجربت السياره (طبعن اي قطعه غيرتها لازم اقتنع انها تالفه ثمين اغيرها) ولا صار شي مشكلته زي ماهي والحين في الورشه اليوم بيجرب ويشوف مشكلته يالت تفيدون بمشكلته مليت من الورش وعلى الخساير الي راحة ودي استخدمه سنه وطلع خسايري بس ابشوف تصليح الأخير ولا راح ابيعه |
الساعة الآن 07:56 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir