نقااش هااااااااااام
 

السلام عليكم ورحمة الله وبركاته

مساء الخير لكل منتداااااان الغاالي


ودي أتكلم عن ظاهره للأسف اني اشوفها منتشره ببلادنا

وبصراحه لو ماصار معاي هالموقف ما كنت بكتب الموضوع

من اسبوع تقريبا جاني اتصال من وحده مجهوله ؟؟؟

رديت عالجوال ...

البويه : ألو السلام عليكم

أنا : وعليكم السلام

البويه : هلا والله شحالج يالغاليه ان شاء الله بخير >> بدا يميع الصوت

يميع من >>>>>> المياعه

أنا : الحمدلله بخير ياعساج بخير

==== سكتنا ====

قلت لها منو وياي فطووووم ؟؟ << غلطت لما قلت لها .. لانها مشت وياي على انها فطوم

البويه : هيه ماعرفتيني

أنا : والله اقول الصوت مب غريب علي بس اشوف الرقم غريب

البويه : هيه طلعت رقم يديد ماعرفتي >> نصابه وبقوه بعد

أنا : البارح انا مكلمتك وما قلتي لي انك بتغيرين الرقم

البويه : هيه وصلني إهداء ..

أنا : فطووووم اليوم ناويه تطلعين اذا ما براسج شي تعالي بيتنا

البويه : يابعد قلبي انتي روحي كلها فداج ولو بروح مكان اكنسل جيتي علشانك

أنا : بديت اشك انها مب فطوم

لان صوتها صااااااااااااار رقييييييييييييق ومايع مايع بزياده ... سكت ..

قلت لها انتي منو ؟؟

البويه : أنا فطوم

أنا : انتي كذابه مب فطوم صوتج تغير .. قلت لها لحظه

اروح اجيب تلفون البيت واتصل لفطووم على جوالها وترد علي

اقولها تعرفين هالرقم ....... ؟

ردت فطوم : لا والله ليش ؟؟

قلت لها : خلاص خلاص بعدين اقولج .. بروح اكمل حربي

<<<<<<<<<<<<< عصبت

أنا : ألو

البويه : هلا روحي

أنا : ويعه ( وجع ) طلعت روحج قولي آمين

البويه : حرام عليج ليش تدعين علي .. انا فطوم حبيبتج ..

أنا : حبج برص يارب

أنا : خلاص انتهت المسرحيه وعرفت انج مب فطوم ...

ممكن اعرف منو انتي ومن وين جايبه الرقم ؟؟؟؟؟؟؟

البويه : فديت الزعلانين انا .. والله والله ترا اسولف وياج

ولا اعرفج ولا تعرفيني والله بالصدفه كل شوي ادق اي رقم

واشوف من يطلع لي واكمل معاهم ... ممكن نتعرف يالغاليه صوتك غاوي ..

أنا : آسفه انا مااتعرف على حد مااعرفه ... ومااتعرف على مثل هالاشكال

وارمسي زين عن المياعه .. لا اشتكي عليج >> قويه اخوانها ضباط خخخ

البويه : دامج كشفتيني بتكلم وياج بصراحه .. انا ابغي منج شي وياريت ماترديني

أنا من ........ وأحب اتعرف عالبنات ..

أنا : شو بغيتي ؟؟

البويه : ممكن تزورينا ..؟؟؟ او نطلع مع بعض وان ماقدرتي انا امر عليج وآخذج

أنا : لا انا بعيد ومو نفس اماراتكم .. ومااحب اصلا اطلع من البيت ونادر مااطلع

البويه : انا ابغيج تتعدلين وتتكشخين وتلبسين ........ واعطيني عنوانك واجيك

أنا : صدق انج قليله أدب .. مب منج من اللي عاطنج فيس للحين ويكلمج باحترام

يالله باااااااااااااااي مااتعرف على هالاشكال وسكرت بوجهها ...

البويه : رجعت تتصل ...................

أنا : مارديت عليها ..

البويه : ارسلت لي مسج (( يالغاليه شفيج ليش ماتردين .. عالعموم انا حبيت اقولج بس

تراني شليت اللوز يعني صرت بويه صدقيه ها شو رايج بتتعرفين علي ولالا ؟؟ ))

أنا : طبعا ماعبرتها ولا رديت عليها ...

ولا هي رجعت اتصلت ولاشي ...الى يومنا ها ..

وأكيد انها تتصل يوميا وتغلط بالارقام حتى تجمع بنات

او تخربهم بشكل أصح .. والله يستر ..

========= آآآآآآآآآه بس =========

ومن يومها والله وانا افكر ومنشغل بالي .. اقول معقوله نلقى هالاشكال

ببلدنا .. شكثرهم ؟؟ وانواع التساؤلات ...


رجعت أذكر أيام الجامعه .. كنت مقيمه بسكن داخلي للطالبات بحكم بعد اماراتنا ..

والله كنت اشووف بلاوي بالجامعه ... واشوف هاللي اسمهم بويات ...

وكنت مره اخاف يوم اشووفهم .. تجيك وحده عملاقه وقاصه شعرها بوي

ولابسه بنطلون وقميص وشالحه كم يدها لفوق وتمشي ووراها 6 بنات

وخاصه لما تتكلم او تصرخ مرره صوتها غليظ ويخررع من جد


هذي كانت مسببه لنا ازمه بالسكن وشكاوي وايد كانت تجي المشرفات منها

ليما تم فصلها من السكن الجامعي .. عالمشاكل اللي تسويها ...


====== وعلى شاكلتها كثير والله يشيب الراس لما نذكرها =======

فيه مسلسل تم عرضه برمضان هذا عديل الروح ...

في بنت من بنتهم اللي اسمهاا شجوون الهااجرري


كانت تمثل دور (( البويه )) ويا كثر ماتروح النادي وتلتقي بالبويات

وفي لقطه من المسلسل اختها تقول هذي تروح النادي

وتجتمع مع البويات وهناك جمعيه خاصه فيهم

وغير حركاتها ولبسها وخشونه صوتها ومغازلها للبنات و و و و

=====

بصراحه الكلام للحين يرن بأذني ... هذا مسلسل معقول يكون من الواقع ؟؟

يصير تكون هالظاهره بمجتمعنا .. بس معقوله تتكون جمعيات وتشجع على هالشيء ..


بصراحه كلامها يصدم ... ودايم كنت اقول عن هالامور اللي اشوفها

حركات بنات عاديه ... او دلع بنات .. او مدري والله وش يكون بالضبط

=====

يعني من جد الظاهرة انتشرت في مجتمعنا الخليجي..

اصبحن الفتيات اليوم بويااااااات..

لم يعجبهن خلق الله.. صورهن فاحسن تصويره.. خلقهن وجملهن..

ولكن وللاسف لم يعد يعجبهن خلق الله..

ما اجمل ان تهتم المراة بانوثتها.. المراة عالم من الرقة والجمال

أعطاها الله مالم يعطي احد من خلقه في هذا الكون..

ولعن الله كل امرأه تشبهت برجل

يعني حنا لو فكرنا نعالج مثل هالامور اللي بمجتمعنا .... ؟؟

منو برايكم المسؤول عن اللي يصير ؟؟

وين دور الاهل ؟؟ وين أهل علم النفس وين وصلوا مع هالظاهره ؟؟؟


واتوقع انه الوالدين جاهلين بهذا الشي لانه ما اظن انهم يرضونها لبناتهم

بس بعد احس تنكفش من اسلوبها وحركاتها وبصراحه اغلب هذي الظاهرات

تصير في الجامعات والكليات وحتى المدارس واحس انه هالجيل جيل وايد صعب

يعني هالامور ماكنا نشوفها قبل .... ليش اللحين انتشرت وزادت ؟؟؟


وأكيد من أسباب ظهور هذه الظاهر وانتشارها بشكل مفعم ...

قلة الوازع الديني ... ورغبتهم في جذب الانظار بمفهوم خاطىء يصدر منهم

او انها تحس بالنقص او تحس انها مميزه بهالفعل وغير عن البنات وتخطف الانظار

متناسيه انها بمحل استحقار معظم الناس لها ...

الخلل الهرموني .. انا قريت عن هالشيء وشفته بعيوني تكون ظاهره عليهم

يعني نسبة هرمونات الرجوله عندهم اكثر من نسبة هرمونات الانوثه ...

وبالتالي يظهر على مظهرهم وسلوكهم احيانا من دون قصد ..

يعني البعض يستغل هالشيء سلبيا وتتحول لبويه

والبعض الاخر يحاول يحسن من نفسه ومايتصرف ولايظهر هالشيء فيه

واكيد من ضمنها عدم مراقبة الاهل لابنائهم يعني مافي اي توجيه من الاسره

ووسائل الاعلام بات هذا الامر عادي ونلقاه بالافلام الاجنبيه وتلقى البنت هنا

تجي تقلد البويه بطلت الفليم ...... يعني تقليد أعمى للغرب ...

وأكيد هناك اسباب كثيرة ... يعجز اللسان عن ذكرها ..


الحل: يجب أن يكون حل موازي للسبب نفسه..

فعند معرفة الخطأ وسببه.. يمكننا حينئذ أصلاحه وبتره


وسلامتكم .. والسموحه عالاطاله

غيض من فيض والله

عارفه اني طولت وايد بالموضوع ... بس من جد موضوع مهم ...

ولاحظت انتشاره للأسف

واتمنى من علماء النفس وغيرهم اللي مجالهم يساعد في حل مثل هالمشاكل

ان يبادر لها ...


لاتحرمونا من آرائكم ..



منقـوول

http://vb.ma7room.com/uploaded/70698_01241826013.gif

الصراحهـ انتشرت هـ الايااااام ظاااااهرة البوياااات بشكل كبير,,,

يعني الحين البنت تسوي عمرها ولد شو الفائدة هي فـ النهاااايه بنت ,,

تخرب سمعتها بين الناااس ..

اتمنى من اي وحدة تعرف بويهـ تنصحها وتقووول لها ان هـ الشي حراااام,,,


تسلمين أختيهـ عـ الطرح ,,,

وتستاهلين التقييم,,,

ربي يحفظج ويعطيج العافيهـ,,,

ولا تحرمينا من يديدج,,,

http://vb.ma7room.com/uploaded/70698_11241826013.gif

العفووووووو غلاااي مااتقصـــــــــــــــــرين


ووووومشكووره على مرورجــــــــــــــ الرروعه...:169:

اختي في القصة مستويه انه بويه تتزوج في السكن ونحن استعجبنا من السالفة ورحنا نشوف هاي الظاهرة
وعقبها بنت راحت تخبر اهلها قالوا مادام انها ماتلعب مع الشباب ولاشئ خلوها احسن لها هل سمعتي باهل
جذيه لو انا مب هناك كان كذب السالفة وماصدقتها العتب ع الاهل ودورهم الاساسي للبنت وتصرفتها ولبسها
يسلمووووو ع الطرح الرائع يعطيج العافية ونتريا اليديد منج