إستفسار لأهل القصيم أفضل ورشة تربيط سفاري فتك
 

السلام عليكم ورحمة الله وبركاته
معي فتك رقم 2 مويل2002
الموتر طرا لي أغيره فقط علشان الموديل ورحت لشركة فورد نويت
آخذ إف 150 غمارتين لأن عندي عائلة لكن للأسف لا تكييف مركزي وغلا
قيمة وأنا ما أستغني عن المكيف الخلفي وبنفس الوقت أحب
طلعات البر وخفت أن الفورد ما يؤدي الغرض
والجيب خفت أفرط فيه ما القى نظيف ومعجبني لأسباب
ماشي 369ألف ما يتغير زيته ودبل ودفرنسات 100%
وكنت أفكر أحدث لكن البديل للأسف مايقوم بما يقوم به
قلت ياولد ليش ماتربط موترك وتعوذ من الشيطان تروح
تبيعه وتزود وتاخذ موتر ثقيل !!
خصوصا أن موتري مافيه سمكرة ولم يفك به إلا فصالات باب السواق وبه تعديل كبر الكف
عند النسافة تحت الرفرف ولم يسمكر بسبب خشبة عمال وطيتها وخفست اللفاحة
النسافة قصدي وزاويتها وفكوا النسافة وعدلوه ورجعوها
ولم يحتاج ولله الحمد غير قماشات وبواجي من وكالته لليوم لكن !!
عندي مؤخرا صوت ليا نزلت القزاز قرقعة والبدي فيه هالمبزرة مخوش لا تذكر
وكذلك فرش الأرضية ماهو نظيف وباب السواق فرشته أكلتها رجليني
وكذلك أبلبسه ومحتاج رأيكم لأني للآن أراود نفسي مرة أقول
أبنفظه تربيط وألبسه ومرة أقول أبيعه وأكمل وأشتري جديد فورد حوض
لكن متردد فأستشيركم هل أبيعه ؟ وأشتري جديد حوض فورد إف 150
وهل الفورد مثله بالدبل ولا مايقوم مثل مايقوم به الجيب ؟
هل أربطه ووين الورش اللي عليها الكلام بالقصيم
وكذلك التلبيس والتنجيد بالقصيم بحكم قربي من القصيم
أو أبيعه وأشتري فورد حوض غمارتين وألبسه شد ! لكن خايف من طوله الزايد ومن هالبلاوي اللي حاطين كل شي حساسات
وش رايكم يا إخوان لي كم يوم أراود مرة أضبط موتري وأربطه ومرة أشتري وشكرا لكم