منتدى استراحات زايد - بعض أمثال الشيبان وسوالفهم التي يتجلى فيها الهياط في اسمى معانيه ههههههههه

بعض أمثال الشيبان وسوالفهم التي يتجلى فيها الهياط في اسمى معانيه ههههههههه

.

.

السلام عليكم ورحمة الله وبركاته

في البداية لا أحد يجي ويقول الشيبان فيهم الخير والبركة ادري فيهم الخير والبركة بس نبي نهستر شوي مع كامل الاحترام والتوقير لكل الشيبان

سوف اتكلم بهذا الموضوع عن بعض أمثال ونصائح الشيبان وسوالفهم المتناقضة المتكررة وفلسفاتهم الزايده وكذلك السوالف البايخة حقتهم وهياطهم ونظرياتهم المتناقضة,,,
الناس في وقتهم تصنع صواريخ وهم واحد يذبح الثاني عشان قهوة ههههه

نبدأ اولا

مسامير الركب :

بعض الشيبان يقول ان مسامير الركب هو التمر وبعضهم يقول انه الجريش وبعضهم يقول اللبن وبعضهم يقول الخبز وبعضهم يقول المرقوق وهكذا القائمة تطول وكل واحد يخترع من عنده ههههههه

الوسم :

بعضهم يقول بالتاريخ الفلاني يدخل الوسم والبعض الآخر يقول لا بالتاريخ الفلاني المشكلة ان لو بينهم يوم او يومين تقول نمشيها لكن الفارق بالأسابيع واحيانا تاصل السالفة للأرقاب عشان الوسم هههههههه

المطر :

ااااه يالمطر

كل سنة نسمع العبارة الشهيرة من بعض الشيبان اذا جاء مطر كثير يقولون ما عمرنا مطرنا مثل هالمطر من 20 سنة المشكلة معلقين على عشرين سنة مدري ليش... وكل سنة نسمع العبارة تتكرر معلقين عليها

عبارة ""يوم حنا كبركم..."" :

ياكثر ما سمعناها... يوم حنا كبركم ما ننام ويوم حنا كبركم كنا نشيطين وفعلنا وتركنا,,, وهم خراطين هههههه اصلا ماعندهم إلا الهواش وناس تسرق ناس هههههههههه

القصيد :

اذا قلت لبعض الشيبان عطنا قصيده تروح القصيدة كلها "مدري شلون" و"مدري شلون" انتهت القصيدة وصح لسانك

للإنصاف وإبراء للذمة سوف نذكر بعض أمثلتهم الجميلة:

مايفل الحديد إلا الحديد

هرج في الماضي نقصان بالعقل

احذر عدوك مره واحذر صاحبك الف مره.....

انتهى

و

إعادة التغريد لا تعني التبني والتأييد

㋡㋡㋡