اصيل حجازي ومن له خبرهـ فقط في زيادة امبير البطارية ؟
 

السلام عليكم ورحمة الله وبركاته

اخواني امس ماتت بطاريتي :(

وامبير البطاريه عندي 55 .... قلت خلني اقلب في المواقع :type:
اشوف وش افضل البطاريات مثل باقادر وهنكوك وغيرها
واشوف زيادة الامبير تضر ولا لا ...واشوف محلات الموزعين في الخبر او الدمام

اما البطاريات اللي تجلس 10سنوات او اقل
وغيرها هذي شايلها من راسي مررررهـ :mad:

المهم اللي سبب لي شوشره اختلاف الناس في زيادة الامبير
بعضهم يشوفها ايجابيه ويذكر تجربه صارت له :confused:
وبعضهم يشوفها سلبيه ويذكر تجربه صارت له :confused:

لكن فيه رد لاحد الاخوان في موقع تويوتا شبه مقنع !؟!
العضو: انا اسف

كل قطعة في الأفالون تسحب تيار ويقاس بوحدة الأمبير وتشتغل على جهد 12 ويقاس بالفولت .

مثال :

المكينة تشتغل على جهد 12 فولت و مثلا تسحب 15 أمبير
السلف يشتغل على جهد 12 فولت و مثلا يسحب 5 أمبير
المسجل يشتغل على جهد 12 فولت ومثلا يسحب 5 أمبير
القزاز يشتغل على جهد 12 فولت ومثلا يسحب 3 أمبير
النور العادي يشتغل على جهد 12 فولت و مثلا يسحب 10 أمبير
الزينون في العالي ( المحول ) يشتغل على جهد 12 فولت و مثلا يسحب 15 أمبير
الاسطبات تشتغل على جهد 12 فولت و مثلا تسحب 5 أمبير
شاشة ملاحة تشتغل على جهد 12 فولت و مثلا تسحب 5 أمبير
منفذ الشاحن 12 فولت

بطارية الأفالون 80 أمبير وتقوم كل الأجهزة الكهربائية والإلكترونية بتقاسم الـ 80 أمبير
فلوا افترضنا أن كل الأجهزة الكهربائية والإلكترونية سحبت كامل الـ 80 أمبير وجيت ركبت مثلا كشاف أو أي جهاز راح تلاحظ ان الأجهزة الكهربائية الثانية ممكن بعضها يطفى والبعض الآخر ما يقدر يشتغل وهكذا .

لذلك حين تقوم بتركيب زينون في العالي فإنه يقوم بسحب كمية من الـ 80 أمبير الموجودة في البطارية والبعض يركب جهاز ملاحة وبرضو تسحب أمبير وهكذا يتم تركيب بعض الأجهزة الكهربائية بدون زيادة أمبير البطارية فتحصل بعض المشاكل الكهربائية وبعض الأجهزة لا تعمل وممكن الملاحة تعلق وتعيد تشغيل وهكذا فالحل هنا يجب أن تعمل حسابك وتحط بطارية 90 أمبير عشان لو كل الأجهزة الكهربائية والإلكترونية في السيارة سحبت 75 أمبير مثلا يبقى عندك 15 أمبير احتياط تساعد على اطالة عمر الاجهزة والدوائرة الإلكترونية في السيارة وما تسبب تعليق أو احتراق لها ...

ولو ركبت بطارية 1000 أمبير لا ضرر فيه ولكن أنت لا تحتاج 1000 أمبير فقط تحتاج من 10 إلى 20 أمبير احتياط في حال لو ركبت زينون أو ملاحة أو أي جهاز آخر حتى الجوال يسحب أمبير بجهد 5 فولت وأعطيك مثال جوال جالكسي اس 3 يسحب 1 أمبير ومكتوب على الشاحن حق الجوال ( لذلك لو جيت تشتري شاحن سيارة احرص يكون 2 أمبير على الأقل عشان يشحن الجوال فل في أقل من ساعتين والشاحن بتلاقي مكتوب عليه 5 فولت والسبب أنه يقوم بتحويل الكهرباء حق السيارة من 12 فولت إلى 5 فولت ).
شاحن البيت يقوم بتحويل الكهرباء من 220 فولت إلى 5 فولت ) والسبب أن جهد أجهزة الجوال هو 5 فولت ولكن كل ما قل الأمبير حق الجوال كل ما طال وقت الشحن وكل ما زاد الأمبير كلما قصر وقت الشحن يعني لو جبت شاحن 5 أمبير ممكن يشحن الجوال فل في 20 دقيقة فقط .

بالنسبة للجهد ووحدته الفولت فهو ثابت لأغلب السيارات البطارية تكون 12 فولت ولو ركبت بطارية 20 فولت بتحرق الظفيرة لأن كل الأجهزة الكهربائية والإلكتروينة تشتغل على جهد 12 فولت وهذا ثابت مثل أجهزة البيت تشغل على 220 فولت ولذلك كل البطاريات المخصصة للسيارات العادية شي اساسي تكون 12 فولت لكن الاختلاف في الامبير بحيث بعضها 50 أمبير والبعض 55 والبعض 75 والبعض 80 بسبب عدد الأجهزة الكهربائية والإلكترونية الموجودة في هذه السيارة ومدى حاجتها للتيار الأمبير .

تحياتي لك والشرح لتستفيد منه أنت والجميع .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ

وش رايكم ؟؟؟؟؟؟؟؟؟؟