#poem_52aa285d834de td {font-family: 'Simplified Arabic', Arial, Helvetica, sans-serif;font-size: x-large;font-weight: normal;} قالوا علامك قلت ياناس مهموم من صاحب ماشاف مني خطيه حل الفراق وماغشاء عيني النوم اقفت ضعونه وجمرة القلب حيه ووجس على صدري متاريس جاثوم اثقل من الضلع الحمر مع طميه لي ونة ٍ بين الضلايع لها حوم يسمع صداها في جبال الحويه واليوم مالي في مساعيه مقسوم تعبت اركابي والنواظر رديه دنيا غريبه تجرح القلب بسهوم وتلحق غثاها بالدموع الشقيه (يابوعلي) ماريحوا خاطري يوم من العام الاول قبل عيد الضحيه ويني وين الطيب و القلب مثلوم كم وردن ياصاح حوض المنيه خليتني ياصاح مجبر وملزوم خليتني وجروح قلبي نديه قالوا عن المقفي لاتلحقه دوم لاشك قلبي مايخلي خويه