منتدى استراحات زايد - لاضاق صدرك مالقيت المسلي ..

بسم الله الرحمن الرحيم

السلام عليكم ورحمة الله وبركاته ..

هذه قصيدة بالسوابر للشاعر : صالح عبدالله الجردان ..

وهي مهداة للمنتدى وقد أذن لي بنشرها هنا ..

لا ضاق صدرك مالقيت المسلي
أركب علئ جيبك وصكه بحومه

وترك همومك بالبلد وسفهلي
العمر فاني وفهم الشغل كومه

حمل فراشك واللوازم مع اللي
تحتاج بالمطراش لاجا لزومه

مثل الكناود للقصايد يسلي
اسمع نشيد البرتجلي همومه

بعض القصايد لاسمعته تملي
وبعض القصايد تسعدك في قدومه

وخدلك علئ يمناك سوبر بانلي
نعم الوكاله والسوابر خدومه

شكله جميل مخصره في تحلي
مثل الهنوف مطرزاتن هدومه

خزنه وماسوره وسوقن يولي
نظام رشاشن قوين عزومه

صلب وصلابه صنعته في تعلي
راعي الكرك يدفع بها مايسومه

من مصنع الهاون تجيبه بانلي
تصميم حشاشن تهيب نجومه

اخذ تيجان الصنع جابالمجلي
اعلن دماره هو عماره يدومه

وقال الذخيره تحت الاصفار بلي
اطلق خشن جا بالمصانع سلومه

سوقن وفرشن والحراره تخلي
أهل البنادق تبتهرمن علومه

يذبح ويصلخ فاعلن مسفهلي
راعي البنلي دايمن في هجومه

ترا الرجل لا صار ماله بانلي
لو يترك المقناص محدن يلومه

اهل السوابر بالتحدي تولي
دايم على االميدان تلمع نجومه

والقارمن خله معك هو يدلي
لامن تغطاالليل عج وعسومه

لاصرت منجومن بخطك مضلي
تبي المناقع بالسواحل ونومه

امش العصر على المدينه وصلي
وطلب علئ ربك يسدد ثلومه

تقبلوا تحياتي وتحيات الشاعر ..