تاخير التبديل في قير اوتو لجيب فكسار 97 ارجو الدخول صباحكم عسل وغفر الله لنا ولكم بحكم خبرتكم يالغالين عندي جيب لاندكروزر فكسار موديل 97 قير اوتوماتيك عندي مشكله حدثت بعد ما غسلت الموتر بستم بالماء فقط وهي ان التغيير بين النمر في القير تتأخر بشكل مبالغ فيه فصلت البطاريه فتره وما نفع جيت اشوف الزيت لقيت لونه اقرب الى الرمادي وبه رايش محسوس الان انا اخاف اغامر بالقير ... لو وديته عند ورشه راح يتفلسفون علي ..الغالب اني صيد ثمين بالنسبه لهم القير يورالي انه ما تغير زيته من فتره طويله جدا .. اخاف اغير الزيت والفلتر ويخبط القير .!!!! ولا انا متاكد من هذي المعلومه هل هي صحيحه او لا ؟ نسيت اقولكم اني اذا مشيت خط ورحت من الدمام للجبيل تروح المشكله وترجع اذا برد الموتر وشغلته رجع مره ثانيه !!!! يالغالين توضيب القير مكلف وما عندي الا هالموتر يخدمني وابي اوصل للخلل باسهل طريقه بعيدا عن سالفة التوضيب وغير كذا لو لا سمح الله خرب القير وانه يحتاج توضيب هل اقدر اركب عليه قير جيب تويوتا اوتوماتيك موديل 2007 ؟؟؟؟ لانه على ماسمعت انه 5 نمر ويريح المكينه واللي عندي 4 نمر ان شاء الله اني وصلت لكم الصوره وشاكر لكم مساعدتكم مقدما اخوكم ابراهيم الخالدي ِ |
الساعة الآن 07:21 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir