مشكلة بالدركسون اقلقتني بـالـ( اف جي ) السلام عليكم اخواني انا لي كم يوم اخذت لي موتر ( fj ) موديل 2008 الحمد لله الموتر ماعليه وغيرت بعض الامور والقطع الاستهلاكية والعضلات لكن احس فيه مشكلة ماهي مريحتني ومريت على كم ورشة ماطلعوها لي المشكلة مدري وش اصنفها هي فضاووه بالدركسون او حذفه خلاصة المشكلة هي وانا ماشي بالخط احس الموتر يروح يمين او يسار على الخفيف على الرغم من تثبيتي للطارة بشكل جيد مع ثقل خفيف في الدركسون مثل ثقله لما يكون احد الكفرات ناقص هواه. يعني يميل لليمين او لليسار على الخفيف ويثبت عليها الا الف الدركسون علشان يرجع يعني وانا ماسك الخط احس يوترني لازم اكون مركز ومشدود مره يمين ومره يسار ا الاشياء اللي سويتها رصصت الكفرات بدلت الكفرات اللي ورى قدام واللي قدام ورى وزنت هواء الكفرات 35 لكل كفر غيرت ذراع الدركسون الايسر لانه كان فيه فضاوه سويت للسيارة ميزان يدوي والبنقالية يتعلمون بسيارتنا واحد منهم قال ممكن مشدود على وزنية علبة الدكسون هذي جديده علي !!! اول مره اعرف ان العلبه حقت الدركسون لها وزنيه المهم نبي فزعتكم وخبرتكم كرهت الموتر بسبب هالشطحات |
الساعة الآن 04:02 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir