جبليات نآدره ***اجمل ماشاهدته انا والأعضاء في الشاهين الجبلي (فلة حجاج)....ذراع الذيب السلام عليكم ورحمة الله وبركاته مساء الخير ع الجميع وشحالكم عساك طيبين كلن بأسمه .. زوار..وأعضاء..ومشرفين ياعشّاق الجبليات وينكم فيه وينكم فيه ياعشّاق الهدد سويت لكم هالموضوع وهو امتداد للموضوع السابق (وكاره نادره) ومشاركة الاعضاء فيه شجعني ان اسويلكم هالموضوع لأجمل وأندر الجبليات وطبعاً بعد مشاركة الجميع فيه.. وتعرفون ان الشاهين الجبلي مرغوب عند شريحه كبيره من الصقاقير لأبداعه في مقناص الكروان ونبغا من جميع الاعضاء يشاركونا بصور للجبليات النادره وراح نختار اجمل عشر جبليات نادره وهناك ثلاث صقاقير مخضرمين بالمنتدى راح يختارون اجمل الطيور ""ويشرط ذكر ماكرها او مكان طرحها ويفضل ذكر اسم الطاروح او راعي الطير"" ولايمنع ذكر أي سالفه للطير من موقف يستحق الذكر من هدد والخ او قصيد لتلطيف الجو فقط على ماقالوا نبيها فلة حجاج واول صورة احطها لكم هي قرناسه جبليه وافيه في مقاساتها مطروحه من سنتين بمنطقة الخوبه وارسلها لي في ذاك الوقت خوينا الغالي الخلاوي(شعلة الحجاز) معنا بالمنتدى جبليه طيبه وافيه في مقاسها وتصل الى 14 وعليها بوز وكف ياسلام وافيه بكل ماتعنيه الكلمه ماشالله تبارك الله :::::::::::::::::::: ونبغا من الجميع يذكر لنا اي الانواع اللي يفضلها من الجبليات هل هي يمانيه اقصد اللي مطروحه باليمن او حجازيه او شماليه او نجديه او فارسيه والخ..؟؟؟ وعني انا جربت اللي مطروحه باليمن واللي مطروحه بالحجاز والى الآن صرت افضل الحجازيه وخاصه طيور المدينه المنوره |
الساعة الآن 12:14 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir