|
راعيه الغنم قصه وقصيده(يالله عسي دبشنا )0 القصيده انا سمعتها مع احد الرواه انقلها لكم كما سمعتها : قديما كانت هناك شاعره من الباديه من احدي القبائل ارهقها والدها برعي الغنم لدرجة انه كل ماتقدم لها عريس لم يزوجها يريدها ترعى الغنم ومثل ماتعرفون سالفه رعي الغنم من اول توكل للبنت واذا كان العود ماعنده عيال الله يعينها مافيه غيرها ملت حياتهاوابوها ماعنده غيرها وش يسوي ومن اول فيه جهل ويرتكبون اخطاء لعدم معرفتهم وكل ماتقدم لها عريس رده وهي تسمع وحز في خاطرها وكانت تتمني الزواج على الاقل لكي تستريح من هذا الشقا رعي غنم وشديد وترحال وتقدم بها السن وربما احست ان الوقت فاتها البنت شاعره وقالت هذه القصيده وفيها تتمنى ان يروح كل هذه الحلال بيد ناس نهابه ولو راح ابوها وشباب القبيله المهم انها ترتاح وواضح انها كانت في قمه مرحله الياس والضيم والعياذ بالله تقول: تفرح عيوني لياقالو شديد(ن) يم ريعان **** وانكد على ليا قالو شديد البدو شامي يارب يجعل دبشنا ياخذه قنطوش عتبان **** قنطوش قوم(ن) يطقونه على راى الزلامي اعطو مقافي ذرا ماسيق مع ذرفين الايمان **** قد حال دونه من الروقه ورى تسعين رامي واللي يجيهم يردونه عن الما سوق عجلان **** والملح له وندقه والطرح فالصبيان حامي واول ندب في كراع العود واليا العظم شثان **** ولياه ينظر بعينه في شعاثير العظامي اخيرااا تقبلوا كل تحياتي |
| الساعة الآن 08:00 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir