مخيم للبيع بالثمامه عند مزرعه الملك
 

السلام عليكم
مثل ما مكتوب بالعنوان مخيم للبيع بالقرب من مزرعه الملك والمطار من دوار المزرعه تروح طريق بنبان سلطانه يجيك علا اليمين بعد تقريبا كيلو
مكوناته :

بيت شعر الماني مبطن 9 *6 عمودين موثث كامل دش تلفزيون وزل وتكايات ظهر والخ

خيمه باكستانيه 8*5 غاطين لونها خضراء ثقيله خضراء ماخرت مطر مع الأمطار اللي جت ماشالله أيضاً موجود فيها زل وجلسه

خيمه غاطين4*6مطبخ جديده ماخذها بداية الشتاء هذا يعني قبل شهرين تقريبا ب1200 ريال قماشها خفيف للامانه وحاط عليها طربال ازرق كامل عدة المطبخ موجود ماعدا الغاز موبالبيعه

خيمه حارس 4*4 غاطين شاريها مع خيمه المطبخ ب950 ريال جديده نفس الشي قماشها خفيف وحاط طربال

ويوجد لدي عدد 2 خيمه عمودين تقريبا 4*6 و5*8 طاحو مع الهوا وفيهم شقوق تحتاج صيانه لاكن قماشها ممتاز ثقيل

ماطور روبن سوبارو 4800 واط بنزين هندل ماشالله تبارك الله مقوم المخيم كامل لم يوضب أبدا ماعدا تنظيفه بدايه الشتا والتشيك عليه عند مهندس الحمدلله حتا البوجي ماغيرته البنزين يكفيك تقريبا من 8 الا 9 ساعات متواصله

أيضاً عدد6 اكباس قوه 400 واط علا همدان 11متر اللي اشغل انا فقط اربعه تكفيني مع وجود عدد 2 كبس لم يركب بعمدانه 11 متر ×

عدد1 تانكي فايبرقلاس بالستاند حقه وتانكي غسيل اللي يجي بشبك حديد الحمام اعزكم الله هو الشي الناقص لاكن الحفر محفوره وحاط برميل فيها جنب الخزان فقط تركب الحمام وتشبك جاهز

أيضاً بعض الأغراض زي عده مفاتيح كامله ولمبات سبير والمخيم للمعلوميه معقم كامل مساحته تقريبا 50 *100 الارض جبليه ومرتفعه عن باقي المخيمات الي جنبي ويوجد بوابه يقفل ثقيله والمنطقه عموما هادئه ولا يوجد ازعاجات زي الثمامه دبابات ومشاكل الشباب

أرجوكم يا إخوان السوم بجديه ووضع رقم الجوال للجديه فالسوم سومه بدون جوال لاتعد
سبب البيع عدم التفرغ اسبوع أطلعله واسبوع لا وتراني منيب متكسب فيه ابي راس مالي فقط . الصور مو متوفره الصامل يشوفه عالطبيعه احسن وان أغفلت شي بذكره بعدين وشكرا×